நிஜமா நல்லவன்

எண்ணங்கள் விரிக்கும் வலை...!

2010-12-25T11:26:00.004+08:00

விழித்தெழும் நினைவுகள்
ஒரு போதும் அறிவதில்லை
விழியோர நீர்ப் படலங்களை!

**********

பள்ளியறைச் சுவர்கள்
பசியோடு தவிக்கின்றன
நாமில்லாத நாட்களில்!

**********

பூ மலர்ந்து சிரிக்கிறது
அடுத்தடுத்து சிறைப்படும்
தொடுத்தலில்!

**********

நேற்றின் நிழல்கள்
விடுதலை அடைகின்றன
நாளையக் கனவுகளில்!

**********

நான்கு மூன்றிலும்
நடுவரி சுட்டது
கசியும் மௌனத்தில்!

வரையாத கோடு...!

2010-12-15T14:13:00.006+08:00

வாழ்வில் கலைந்து போகும்
நினைவுகளில் கரைந்தும் கூட
தெரிந்தே கட்டுகிறோம்
மனக்கோட்டைகளை!

நிதமும் பழகிய பொழுதுகள்
இறுதியில் நினைவுகளாய்
மீளாத் துயரில்
மீண்டெழாத நினைவுகளாய்!

கிட்டிய இதழோரச் சிரிப்பு
மீண்ட சொர்க்கமாய்
நிழலாடுகிறது
விழித் திரைகளில்!

முடிவற்று வரைந்த கோட்டில்
இலக்கற்று பயணிக்கிறேன்
எட்டிப் பார்க்காமலே நகைக்கின்றன
நான் வரையாத கோடுகள்!

ஏன் இப்பூடின்னு இங்க போய் பாருங்க

வளர்ப்புப் பிராணிகள் (A lovely parrot - September PIT contest)

2010-09-13T18:29:00.005+08:00

ஒவ்வொரு மாதமும் படம் அனுப்ப வேண்டும் என்று நினைத்தாலும் இறுதி நேரத்தில் அனுப்ப இயலாமல் போய்விடுகிறது(படம் எடுத்தால் தானே அனுப்ப முடியும்- இது என்னோட மனதின் குரல்..உங்களுக்கு எல்லாம் கேட்காது).

சரி இந்த மாதம் எப்படியும் கலந்து கொள்ளவேண்டும் என்று ஒரு முடிவோடு களத்தில் இறங்கியாச்சு. இந்த கிளி படம் தான் அனுப்ப போறேன். எப்படி இருக்கு???

சாப்பாட்டுப் பயணங்களில்...!

2010-08-17T20:53:00.008+08:00

பசியின் ஆற்றாமையில்

கவளம் கவளமாய் தொடங்கிய

சாப்பாட்டுப் பயணம்

இடவலமாய் கை சுழற்றி வீசுகிறது

இடையிடையே கிழிந்த இலையில்!

இறுதிவரை நிகழவேயில்லை

பசி மாற்றம்!

பசியின் துவக்கத்தில்

பருக்கைகளின் மேல்

துளிர்க்கும் வேட்கையும் விருப்பும்

ஆசையும் ஆர்வமும்

உள்ளிறங்கும் போது

முற்றிலும் நீர்த்துப்போகிறது

ருசியின் சுவைகளின்றி!

எல்லாப் பந்தியின் நிறைவிலும்

உள்நுழைவதில் பரபரப்பு வியாதியாய்!

ஒரு முறையாவது பந்தியில்

முதலில் உட்கார வேண்டும்

சங்கல்பம் தோன்றி மறைகிறது

வழக்கம் போல முட்டி மோதி

இறுதியாய் இடம் பிடிக்கையில்!

படிச்சிட்டு திட்ட இல்லைன்னா பாராட்ட நினைக்கிறவங்க....அப்படியே இங்க வாங்க!

நல்ல நாளா பார்த்து...!

2010-08-11T22:14:00.005+08:00

மூன்று வார விடுமுறை இமைப்பொழுதில் முடிந்தது போல இருக்கிறது. இந்தியா சென்று மீண்டும் தேவையற்ற இரும்பினை அடிக்கும் வேலைக்கு திரும்பியாயிற்று. நினைவுகள் முழுவதும் குட்டி தேவதையை சுற்றியே இருக்கிறது. பதிவிலும் தொலைபேசியிலும் வாழ்த்திய அனைவருக்கும் செல்லக்குட்டி மகிழினி சார்பில் நன்றி.

நிறைய(இது சும்மா பில்டப்புக்கு...எனக்கு தெரிஞ்சவங்களே ஒரு சிலர் தான்) நண்பர்களிடம் இந்தியா வரும்போது சந்திக்கிறேன் என்று சொல்லி இருந்தேன். மருத்துவமனைக்கும் வீட்டிற்கும் அலைந்ததிலேயே நாட்கள் ஓடி விட்டன. யாரும் திட்டாதீங்க. அடுத்த முறை சந்திக்க முயற்சிக்கிறேன்.

கொஞ்சநாளா கதவடைப்பு பண்ணியிருந்த வலைப்பூவை மீண்டும் திறந்தாச்சு....அப்புறம் என்ன மீண்டும் ஒரு நல்ல நாளா பார்த்து மூடிட்டு வேற வேலைய பார்க்க போக வேண்டியது தான்:)

InDefinite Close...!

2010-07-13T16:43:00.006+08:00

இனிய பிறந்தநாள்(12.07.2010) வாழ்த்துக்கள் ஜெயஸ்ரீ செல்லம்!

2010-07-12T00:07:00.005+08:00

ஜெய ஸ்ரீ செல்லம் இன்று(12.07.2010) தன்னோட பிறந்த நாளை கொண்டாடுறாங்க. அவங்களுக்கு இனிய பிறந்த நாள் நல்வாழ்த்துக்கள்.

ஜெய ஸ்ரீ யாருன்னு உங்களுக்கு தெரிஞ்சிருக்கும். ஃப்ரொபஷனல் கொரியர்....இல்ல இல்ல ஃப்ரொபஷனல் போட்டோகிராபர் நம்ம ஜீவ்ஸ்
அண்ணாச்சியின் செல்லப்பொண்ணு தாங்க ஜெய ஸ்ரீ. வாங்க...வாழ்த்து சொல்லிட்டு போங்க.

ஜெயஸ்ரீ செல்லம்...அப்பாவுக்கு தினமும் நிறைய பல்பு கொடுத்து அவரை ஒரு வழி பண்ணனும் சரியா...அப்போ தான் அங்கிள் உனக்கு நிறைய சாக்லேட் வாங்கி கொடுப்பேன்...உனக்கு இன்னும் கிப்ட் கூட வாங்காம இருக்கார் பாரு...அவரை உண்டு இல்லைன்னு பண்ணுடா செல்லம்:)

செய்வினையை எடுப்பது எப்படி????

2010-07-10T01:36:00.000+08:00

கனவுப் பறவை!

2010-07-09T09:19:00.004+08:00

நிறைவேறா கணங்களின்
நிறங்கள் குழைத்து
சிறகில் தெளித்து
சிறகடிக்கிறது
கனவுப் பறவை!

வண்ணங்கள் களவோடு
எண்ணங்கள் விரிய
நிறங்கள் உமிழ்ந்து
நிறமிழக்கின்றன விழிகள்
விழிநிலையில்!

(தொடரும்...)

எழில்!

2010-07-07T22:36:00.004+08:00

துளித் துளியாய் சேகரித்து
மெழுகினில் புகுத்தி இனிமை சேர்க்கும்
அழகிய தேன் கூட்டை
சிதறித் தெளிக்கிறது ஒற்றைக் கல்!

உயிர்ப்பச்சை நீர்த்து வாடிய பயிர்களில்
எதிர்பாராமல் சூல் கொள்ளும் மேகங்கள்
இயற்கை இருப்பை நிலை நிறுத்தி
சொட்டு சொட்டாய் நிரம்பும் உயிர் நீர்!

மேகங்களின் நகர்வில் மிதந்திடும் நிலவை
விழியோர புருவங்களால் வளைத்தெடுக்க
குறும்பை கொப்பளிக்கும் இமைகள்
வரைந்திடும் எழிலோவியங்கள் விழித்திரையில்!

இந்த கவிதை அல்லது கவுஜை அல்லது பத்திகளின் மூலம் இங்க !

என்ன கைய புடிச்சி இழுத்தியா???

2010-07-02T23:08:00.003+08:00

நேசம் புதுசு படத்தில் வரும் வடிவேலு காமடியை யாரும் அவ்ளோ எளிதா மறந்திருக்க முடியாது. பஞ்சாயத்தில் சங்கலி முருகன் விசாரிக்கும் போது வடிவேலு திரும்ப திரும்ப அதையே திருப்பி சொல்லி வெறுப்பு ஏத்துறது செம காமடியா இருக்கும். இந்த கதை இப்போ எதுக்குன்னு கேக்குறீங்களா? அங்க தான் விஷயமே இருக்கு.

ஐபோன் வச்சிக்கிட்டு சும்மா இல்லாம தினமும் புதுசா ஏதாவது அப்ப்ளிகேஷன் வந்திருக்கான்னு நோண்டிட்டு இருக்கும் போது 'டாக்கிங் டாம்'ன்னு ஒரு அப்ளிகேஷன் கண்ணுல பட்டுச்சு. சரி சின்ன புள்ளைங்க கிட்ட விளையாட்டு காமிக்கலாம்னு நினைச்சு டவுன்லோட் பண்ணினேன். ஆனா அதுக்கு அப்புறம் அது பண்ணுற சேட்டைய பார்த்தா வடிவேலு பண்ணுற மாதிரியே இருக்கு.

எதுக்கும் இருக்கட்டும்னு வடிவேலு காமடிய ஓடவிட்டு அதையே பதிவு பண்ணி YouTubeல போட்டாச்சு.

மின்வெட்டை கண்டுபிடித்தது யார்?

2010-06-26T13:37:00.001+08:00

நன்றி - தினமணி.

பின் குறிப்பு: இது இரண்டு வருடங்களுக்கு முன்பு தினமணில வந்தது. வருஷம் முழுக்க வெட்டி வெட்டித்தான் ஓட்ட வேண்டியிருக்கு:)

மாறாமல் நிலையாய்...!

2010-06-24T22:30:00.001+08:00

உன் அலைபேசி
உமிழ்ந்து செல்கிறது
உன் அன்பை
குறுஞ் செய்திகளாய்!

ஓராயிரம் கதைகள்
ஓயாமல் பேசுகிறது
உன் மின்மடல்கள்
தினம் தினம்!

அலைபேசி ஒலிக்கையில்
நீயோ நீயோவென
எகிறித் துடிக்கிறது
இதயம்!

மின் அரட்டை
மிச்சமின்றி
விழுங்குகிறது
நமக்கான நேரங்களை!

நாட்கள்
மாதங்கள்
வருடங்கள்
கடந்தாலும்

நமக்கே
நமக்கான
அன்பு மட்டும்
மாறாமல் நிலையாய்!

வேறென்ன?

2010-06-19T16:48:00.003+08:00

விடிய விடிய உதிர்ந்த
ஊடலின் சொற்களை சேகரித்த மனம்
விடிந்ததும் உன் ஒற்றைப் புன்னகையில் காலியாக!

வாழ்வின் வலிமிகு பக்கங்களில்
நம்மை சற்றே நிதானிக்க வைக்கிறது
கால இறகு எதிர்பாராமலே!

எந்த கோணமும் பிடிபடவில்லை
உன் கூந்தல் கோதி
விளையாடும் விரல்களுக்கு!

தலை உச்சியை முகர்ந்து பிரியும்
மூச்சுக்காற்று விட்டுச் செல்கிறது
உன் அன்பின் கதகதப்பை!

நதி மூலம் ரிஷி மூலம் தேடுவோர் இங்க அவசியம் வந்து பாருங்க!

அன்பென்ற மழையிலே அகிலங்கள் நனையவே...!

2010-06-12T21:19:00.003+08:00

படம்: மின்சாரக் கனவு
இசை: A.R.ரஹ்மான்
குரல்: அனுராதா ஸ்ரீராம்

அன்பென்ற மழையிலே அகிலங்கள் நனையவே அதிரூபன் தோன்றினானே
வைக்கோலின் மேலொரு வைரமாய் வைரமாய் வந்தவன் மின்னினானே
விண்மீன்கள் கண்பார்க்க சூரியன் தோன்றுமோ புகழ்மைந்தன் தோன்றினானே
கண்ணீரின் காயத்தை செந்நீரில் ஆற்றவே சிசுபாலன் தோன்றினானே

அன்பென்ற மழையிலே அகிலங்கள் நனையவே அதிரூபன் தோன்றினானே
போர்கொண்ட பூமியில் பூக்காடு காணவே புகழ்மைந்தன் தோன்றினானே
புகழ்மைந்தன் தோன்றினானே

கல்வாரி மலையிலே கல்லொன்று பூக்கவும் கருணைமகன் தோன்றினானே
நூற்றாண்டு இரவினை நொடியோடு போக்கிடும் ஒளியாகத் தோன்றினானே
இரும்பான நெஞ்சிலும் ஈரங்கள் கசியவே இறைபாலன் தோன்றினானே
முட்காடு எங்கிலும் பூக்காடு பூக்கவே புவிராஜன் தோன்றினானே

(அன்பென்ற மழையிலே அகிலங்கள் நனையவே...)

Prince of persia!

2010-06-06T17:10:00.004+08:00

படங்கள்: கூகுள் இணையம்

நேற்று தான் இந்தப் படம் பார்த்தேன். கவலைப்படாதீங்க விமர்சனம் எழுதி உங்களை எல்லாம் கலங்'கடி'ச்சிட மாட்டேன். விமர்சனம் எழுதுற அளவுக்கு எல்லாம் நான் வொர்த் இல்லை என்பது வேறு விஷயம்!

இந்த படத்தில் எனக்கு ரொம்ப பிடிச்சதே Alamut city ல இருக்கிற அந்த Dagger தான். யார் கிட்ட Dagger இருக்கோ அவங்க அதை பயன்படுத்தி நிகழ்காலத்தில் இருந்து பின்னோக்கி பயணித்து நடந்து முடிந்த விஷயங்களை திருத்திக்கலாம் என்பது தான்.

சரி அந்த Dagger ஏன் எனக்கு ரொம்ப பிடிக்குதுன்னு கேக்குறீங்களா...என்னங்க நீங்க இப்போ வீட்டில் பூரிக்கட்டை பறந்து வந்து மண்டைய பதம் பார்க்குதுன்னு வைங்க...நாம சட்ன்னு Dagger பயன்படுத்தி பின்னோக்கி போய் எஸ்கேப் ஆகிடலாம் இல்ல!

டைரி- வெறு(ம்)மை

2010-06-04T00:36:00.002+08:00

உன் அருகாமையற்ற
வெறுமையை மையிட்டு
நிரப்பியதறியாமல்

எழுதப்பட்ட பக்கங்களின் மேல்
வன்மம் கொள்கின்றன
எழுதப்படாத பக்கங்கள்!

கடவுள் உள்ளமே ஓர் கருணை இல்லமே ...!

2010-06-02T18:27:00.005+08:00

கடவுள் உள்ளமே ஓர் கருணை இல்லமே
கடவுள் உள்ளமே ஓர் கருணை இல்லமே
அடைக்கலம் கொடுத்தவன் அருளை பாடுவோம்
தந்தை இல்லை தாயும் இல்லை தெய்வமன்றி யாரும் இல்லை

தந்தை இல்லை தாயும் இல்லை
தெய்வமன்றி யாரும் இல்லை

கடவுள் உள்ளமே ஓர் கருணை இல்லமே

சின்ன சின்ன பூக்கள் சிந்திய வேளை
அன்பு என்னும் நூலில் ஆக்கிய மாலை
பாதம் செல்லும் பாதை காட்டிடும் தலைவா எம் தலைவா

ஊனம் உள்ள பேரை காத்திடும் இறைவா எம் இறைவா

ஜீவன் யாவும் ஒன்று இங்கு யாரும் சொந்தமே

ஜீவன் யாவும் ஒன்று இங்கு யாரும் சொந்தமே

இது தான் இயற்கை தந்த பாசபந்தமே

கடவுள் உள்ளமே ஓர் கருணை இல்லமே
கடவுள் உள்ளமே ஓர் கருணை இல்லமே

கண்ணிழந்த பிள்ளை காணும் உண்மை
கண்ணிருக்கும் பேர்கள் கண்டது இல்லை
ஊருக்கொரு வானம் இல்லையே இறைவா உன் படைப்பில்

ஆளுக்கொரு ஜாதியில்லையே அது போல் உயிர் பிறப்பில்

உண்ணும் உணவும் நீரும் தினம் தந்த தெய்வமே
என்றும் உமக்கே நாம் நன்றி சொல்லுவோம்

கடவுள் உள்ளமே ஓர் கருணை இல்லமே
கடவுள் உள்ளமே ஓர் கருணை இல்லமே
அடைக்கலம் கொடுத்தவன் அருளை பாடுவோம்
தந்தை இல்லை தாயும் இல்லை தெய்வமன்றி யாரும் இல்லை

கடவுள் உள்ளமே ஓர் கருணை இல்லமே

பதிவர்களுடன் ஒரு பேட்டி!

2010-05-31T01:02:00.003+08:00

இப்போதைய ட்ரெண்ட் படி யாராவது ஒரு பதிவரை பேட்டி எடுத்துப் போடுவது வழக்கம் என்றாகிவிட்டது. ஆனால் ஏன் நாம் பல பதிவர்களை பேட்டி எடுக்கக் கூடாது ? இதோ பல பிரபல பதிவர்களுடனான பேட்டி...!

நி.ந : திரு வெங்கி அவர்களே பல வருடங்களாக எழுத்துலகில் இருக்கும் நீங்கள் ஏன் இன்னும் புத்தகம் வெளியிடவில்லை ?

வெங்கி : நான் ஒரு எழுத்தாளனாக மாறி இருபது வருடங்களுக்கு மேலாயிற்று. ஆனால் பாழாய் போன தமிழ் கூறும் நல்லுலகம் எழுத்தாளர்களுக்கு உரிய அங்கீகாரத்தை தருவதில்லை. எத்தியோப்பியா நகரத்தில் ஒரு எழுத்தாளனுக்கு எப்படிப்பட்ட மரியாதை தருகிறார்கள் தெரியுமா ?

தமிழ்பிரியன் : இவரு எழுதிட்டு இருக்காருங்கறதே எனக்கு இப்பத்தான் தெரியுது. ரிப்வான் விங்கில் மாதிரி எங்க போயி தூங்கிட்டு திடீர்னு பேட்டிக்கு எழுந்து வந்திருக்காரு.

குசும்பன் : யோவ் வெண்ணெய்... நிறுத்துய்யா... எத்தியோப்பியா எங்க இருக்குன்னாவது தெரியுமா ?

சஞ்சய் : எங்கள் கட்சியில் சேர்ந்து எங்களுக்கு ஓட்டுப் போட்டால் எத்தியோப்பியா என்ன சோமாலியா, மங்கோலியா போன்ற நாடுகளுக்கு இலவச சுற்றுலா அனுப்புவோம். உங்கள் ஓட்டு ****க்கே

ஜீவ்ஸ் : சஞ்சை மாம்ஸ். இது பதிவர்களுக்கான பேட்டி நடக்கிற இடம். வோட்டுச் சாவடி இல்ல. சாவடிக்காதீரும்.

ஜோசஃப் : ஒரு சி.இ.ஓ நான் இருக்கும் போது எந்த நாட்டுக்குப் போவதென்று நான் தான் முடிவு செய்யனும். நீங்க எல்லாம் எப்படி முடிவு செய்யலாம் ?

நி.ந : இப்போ நான் வெங்கிக் கிட்ட தானே கேள்வி கேட்டேன் நீங்க எல்லாம் எதுக்கு நடுவில வந்து கருத்து சொல்லிட்டு இருக்கீங்க ?

வெங்கி : போன வாரம் நான் பூனா போயிருந்தப்ப எனக்கு எப்படியான வரவேற்பு தெரியுமா ?

அப்துல்லா : யோவ் வென்ட்ரூ... பூனாவுல உங்க வீட்டுக்குத் தானே போனீரு ? அப்புறம் என்ன ஃபிலிம் காட்டறீரு.

வெங்கி : ஆக்சுவலா என்னன்னா.... என்னுடைய எழுத்துகளை பூனா மக்கள் மிகவும் விரும்புகிறார்கள். என்னை தலை மேல் தூக்கி வைத்துக் கொண்டு கொண்டாடுகிறார்கள்.

அதிநல்லான் : இதென்னடா வம்பாப் போச்சு. இப்ப எல்லாரும் நான் சொல்றதே சொல்ல ஆரம்பிச்சுட்டாங்க.

ஜீவ்ஸ் : வெங்கி பொய் சொல்லாதீரும். உம்ம வெயிட்டை தூக்கிட்டு ஆடறாங்களா என்ன கதையா அளந்து விடறீங்க ?

அனானி பதிவர் : மிஸ்டர் அதிநல்லான், நீங்க வாசகர் கடிதம் எழுத உக்காரலையா ? உங்களுக்கு நீங்களே எழுதறது வழக்கமாச்சே.. நாளைக்கு உங்க வலைதளத்துல யாரு பேருல கடிதம் போடப் போறீங்க.

குசும்பன் : யோவ்... இங்க பத்தி எரிஞ்சுட்டு இருக்கு வலையுலகம். அதுக்கு க்ளுகோஸ் ஏத்தி பட்டாப்பட்டி அண்ட்ராயரோட நெளிஞ்ச சொம்பு கைல வச்சுக்கிட்டு ஜமுக்காளத்து மேல உக்காந்த்து தீர்ப்பு சொல்லனும். அதுக்கு நாட்டாமைக்கு தேர்வு நடத்தறோம். வெங்க்கி நீ வரியா ? ஜோசப்பு நீவரியா, ஹே மேன் அப்துல்லா நீ வர்ரியா ? ஹே நி.நா நீ வர்ரியா ? மிஸர் அதிநல்லான் நீங்க வர்ரீங்களா ?

வெங்கி : பெப்பே.. பெப்பெப்பே... பெப்பெப்ப

அப்துல்லா : (காதில் போனை வைத்தபடி) யாரு தலைவரா... வந்துட்டேன் தலைவரே... எத்தனை போஸ்டர் தலைவா ? 1000 தானே நானே நைட்டுக்குள்ள ஒட்டிடறேன் தலைவா

ஜீவ்ஸ்: (மயங்கி விழுந்திருப்பது போல் நடித்துக் கொண்டிருக்கிறார்.)

ஜோசப்பு : ஆக்சுவலி ஸ்பீக்கிங். ஐ டோண்ட் நோ டமில் யார் ( செண்ட் ஃப்ரம் ஐஃபோன் )

அதிநல்லான் : ஞான் கேரளா போயி.. அவ்விட உத்தம தமிழ் எழுத்தாளர் உண்டு.. ஞான் அவ்விட சண்டை போடும். எந்தா ஞான் நாட்டாமையோ ? சவட்டி கழியும் கேட்டோ ?

குசும்பன்அமர்ந்து சோகமாய் காலியான நாட்டாமைச் சேர் பக்கத்தில் உக்கார்ந்து பார்த்துக் கொண்டிருக்கிறார்.

நான் மைக்கை எடுத்துக் கொண்டு ஓடி வந்துகொண்டிருந்தேன்!

கூடுத‌லாய் பிரகாசித்தது...!

2010-05-14T17:30:00.005+08:00

பனி படர்ந்த காலை
கரிய இருள் நீங்கி
கதிரவனின் கதிர்கள்
சூழ்ந்திருந்த வேளை!

தேவை இல்லாத வேளையில்
வருகை

அசாதரணமான வரவு
வழக்கம் போலில்லாமல்

ஆனால்

உள்ளுணர்வு உணர்த்திற்று
உன்னிடமிருந்த
கந்தக வாசனையை
கதகதப்பாய் ஆற்று நீர்!

உற்றுப் பார்த்தபோது
நீர் பரப்பில்
கேசங்கள் பறந்தன
அழகாய்!

ஆரவாரம் இல்லாமல் பாய்ந்த நீர்
செல்லும் திசையில் கேசங்களையும்
கொஞ்சம் கொஞ்சமாக
கொண்டு போவது
தாமதமாகவே உணரப்பட்டது!

கேசங்கள் உதிர்தலிலும்
கூடுதலாய் பிரகாசிக்கிறது
முன் நெற்றி
கதிரவனின் கதிர்கள் தழுவலில்!

இந்தப் பதிவு ஏன்?என்னன்னு புரியாதவங்க இங்க வந்து பாருங்க!

பள்ளிப்பயணம்...!

2010-05-11T21:41:00.004+08:00

காக்கை குளியல்
கவளமாய் கொஞ்சம் சோறு
கிழிந்த காற்சட்டை
வண்ணக்கறையில் மேற்சட்டை

திருவிழா கடிகாரம்
பழுப்பேறிய மஞ்சள் பை
கிழிந்த புத்தகங்கள் சில
உடைந்த எழுத்துப்பலகை

சிறிதும் பெரிதுமாய் பலப்பங்கள்
முனை ஒடிந்த எழுதுகோல்
சில்லறையாய் கொஞ்சம் காசுகள்
தேய்ந்த போன செருப்புகள்

செம்மண் வீதி வழியே நடை
வழியில் இணையும் நண்பர்கள்
வழியோரக்கடைகளில் தின்பண்டங்கள்
எல்லோருக்கும் சமமாய் பகிர்தல்

புழுதி மண் பறக்கும் சாலையில்
மாட்டு வண்டியில் தொற்றியபடி
மிதிவண்டி பின்னே ஓடியபடி
சிரிப்பும் கும்மாளமுமாய் ஓட்டம்

சற்றே களைத்து தளர்கையில்
வீதியோர தண்ணீர் குழாய்களில்
முண்டியடித்து தாகசாந்தி
உற்சாகத்தோடு தொடரும் பயணம்

ஆலமரத்து பிள்ளையாரிடம்
வகைதொகை இல்லா வேண்டுதல்
கன்னத்திலும் கரணமும் போட்டு
அமைதியாய் சில நிமிட நடை

மாக்கட்டிகளால் எழுதுவதை
எச்சிலால் அழிக்க மனமின்றி
வழி நெடுக கோவை இலை பறித்தல்
சுவைக்க செக்கச்செவேல் பழங்கள்

இடைவேளைகளில் உண்டு மகிழ
நாவல் இலந்தை பழம் பறித்தல்
எல்லாம் கடந்து பள்ளி சேர்கையில்
இனம் காண இயலாத மகிழ்ச்சி

நினைவேடுகளின் மட்கிப்போன
பக்கங்களில் உள்ள சந்தோஷம்
இன்று நிஜமாய் பள்ளி செல்வோர்
முகங்களில் இருக்கிறதா?

நினைவுகள்!

2010-05-08T18:43:00.003+08:00

அதிகாலைச் சேவலின் கூவல்
துயிலெழ மனமில்லா விழிப்பு
கானக்குயில்களின் இன்னிசை
பனிபடர்ந்த மார்கழி முற்றம்

பனித்துளிகளின் அரவணைப்பில்
அழகிய மாக்கோலங்கள்
கேலிப்பார்வையுடன்
சாரை சாரையாய் எறும்புகள்

மேனிசிலிர்க்கும் மெல்லிய காற்று
பூமித்தாயை முத்தமிட்டபடி
வெற்றுக் கால்களுடன் சிறுநடை
பச்சைப் பசேல் தோட்டம்

மடிமுட்டிக் குடிக்கும் கன்று
வாஞ்சையோடு நக்கும் பசு
கறுப்பும் வெள்ளையுமாய்
பட்டிகளில் ஆடுகள்

உழைப்பின் களைப்பில் காளைகள்
நகர்ந்து செல்ல முற்படுகையில்
கணீரென்று கழுத்து மணியோசை
விசுவாசத்தின் தலையசைப்பு

பசுமை போர்த்திய வயல்வெளிகள்
காற்றின் அசைவில் தலைகுனிவதும்
பின் நிமிர்ந்து சிரிப்பதுமாய்
செழித்து வளர்ந்த நெற்பயிர்கள்

சலனங்கள் ஏதுமின்றி
அல்லி படர்ந்த அழகிய நீர்நிலை
ஜில்லென்ற சுகமான குளியல்
ஆனைமுகத்தோனின் தரிசனம்

அன்பும் சேர்த்து சமைத்த
காலைச் சிற்றுண்டி ருசித்து
நாளின் எஞ்சிய பகுதியை
நோக்கிய பயணம்...!

வெறும் நினைவுகளாய் மட்டுமே!

கோடை மழை...!

2010-05-01T23:00:00.001+08:00

நாசியை வருடிச்செல்லும்
நறுமணமாய் மண்வாசனை
கண்கொள்ளாக் காட்சியாய்
வானவில்லின் ஜாலம்

சாரலாய் தூறாமல்
சடசடவெனப் பெய்யும் மழை
மழையின் சுவடுகளினூடே
மஞ்சள் வெயிலின் சிரிப்பு

மழையும் வெயிலும் ஒருசேர
வாண்டுகளின் குதியாட்டம்
சற்றே பூமித்தாயை முத்தமிட்டாலும்
கோடையின் சுகமே கோடை மழை தானே?

அது ராங்கு...அவங்க எல்லாம் ரைட்டு கிடையாது...!

2010-04-25T14:51:00.003+08:00

விஜய் டி.வி ல வரும் Super Mum நிகழ்ச்சியில் காவல்துறையினர் பற்றி ஒரு சிறுவனின் கருத்தை பாருங்க....வீடியோல 3.30 நிமிடத்துக்கு அப்புறம் பாருங்க...கிடைச்ச வீடியோவ அப்படியே போட்டாச்சு...பொறுமையா பாருங்க:)

அடுத்த தளத்திற்கு செல்ல ஆசைப்படுபவரா நீங்கள்...இதோ உங்களுக்கான சில எளிய வழிகள்!

2010-04-13T21:50:00.005+08:00

உங்கள் பதிவு திருடு போகாமல் இருக்க ஒரு எளிய வழி..!!!

2010-01-29T23:19:00.000+08:00

இனிய பிறந்தநாள்(19-01-10) நல்வாழ்த்துக்கள் அம்ருதா!

2010-01-19T00:01:00.011+08:00

இன்று பிறந்தநாள் கொண்டாடும் அம்ருதாவிற்கு இனிய பிறந்தநாள் நல்வாழ்த்துக்கள்!

ஆயிரத்தில் ஒருவன் - அட்டகாசமான இறுதிக்காட்சி - காணொளி!

2010-01-15T13:59:00.003+08:00

வெள்ளை முடி - சின்னதா ஒரு சந்தேகம்..?!?!

2010-01-10T13:42:00.002+08:00

தலைல வெள்ளை முடி ஒண்ணு ரெண்டு தனியா தெரிய ஆரம்பிக்கும் போது அதை பிடுங்க கூடாது. பிடுங்கினா நிறைய வெள்ளை முடி வரும்னு ஒரு நம்பிக்கை பெரும்பாலான மக்கள் கிட்ட இருக்கு.

இப்போ என்னோட சந்தேகம் என்னன்னா இப்படியே ஒண்ணு ரெண்டுன்னு ஆரம்பிச்சி கிட்டத்தட்ட எல்லா முடியும் வெள்ளை ஆகுறதுக்கு முன்னாடி ஒண்ணு ரெண்டு கறுப்பு முடி இருக்குமே அதை பிடுங்கினா தலைல இருக்கிற மிச்ச வெள்ளை முடிகள் எல்லாம் கறுப்பாகிடுமா?

'சாட்' கேர்!

2010-01-06T20:49:00.003+08:00

சாப்பாட்டின் பாதியில்
கம்ப்யூட்டரை தேடி ஓடி வருகிறாய்
முழங்கை வரையில் சாம்பார் வழிந்தோட
திறந்த சாட் விண்டோவில் மொக்கை தொடர்கிறாய்!
வழிந்த சாம்பார் பாதத்தை முத்தமிடுகையில்
வயிறு பசியால் வலி எடுப்பதாய் உணர்கிறாய்!
அலுவலகத்தில் எப்போதாவது மறந்துவிட்டாலும்
செல்போன் வழியே தொடர்கிறாய்!
'சாட் ஓடிட்டே இருக்குல்ல'
அப்பொழுதுதான் பல கொம்புகள் முளைத்து
எதிரில் நிற்கும் டேமேஜரை
விழி உறைந்து விக்கித்து பார்க்கிறேன்!

ஏன் இப்படின்னு புரியாதவங்க இங்க போய் பாருங்க!

ஆண் பாவம் - Bloggers Version!

2010-01-05T20:01:00.007+08:00

ஆண்பாவம் படத்தை எத்தனை முறை பார்த்தாலும் திரும்பவும் பார்க்க தோணும். படத்தின் பாடல்களும் பின்னணி இசையும் ரொம்ப பிடிக்கும். சரி அதுக்கு இப்போ என்னன்னு கேக்குறீங்க தானே? நம்ம பதிவுலகில் பட்டைய கிளப்பும் பெரியபாண்டி மற்றும் சின்னபாண்டியை பற்றிய நினைப்பு வரும் போதெல்லாம் ஆண்பாவம் படமும் அதில் வரும் வசனங்களும் இசையும் காட்சி அமைப்புகளும் மனதில் தோன்றி மறைவது தவிர்க்க முடியாததா ஆகிடுச்சி.

கீழே உள்ள வீடியோ கிளிப்பிங்க்ஸ் பாருங்க. அதில் வருகிற மாதிரி பெரியபாண்டி வழியில் சின்னபாண்டிக்கும் கூடிய விரைவில் நடந்திட வாழ்த்துக்கள்!

இனிய பிறந்தநாள்(05-01-2010) வாழ்த்துக்கள் ஆயில்ஸ்!

2010-01-04T18:46:00.016+08:00

நீ ஒரு அப்பாவி என்று
நினைத்து நகரும் வேளையில்

காற்றை தழுவிச் செல்கிறது
கடலையின் நறுமணம்!

பரதம் படம் பிடி என்றால்
'ப'ரதம் பிடித்து வந்தவன் - நீ!

நான் ஒரு சோற்றுப் பண்டாரம்
சொன்னது நானல்ல - நீ

வரவேற்பறையிலோ பல வண்ணங்களில்
ஸ்ரேயாக்களின் தரிசனம்!

ஆனால் உன் மனம் விரும்புவதோ
மகான்களின் தரிசனம்!

காலங்காலமாய் மொக்கைச்சாமிகளுடன்
பிறந்தநாள் கொண்டாடிடும் நீ
இனிவரும் வரும் காலத்திலாவது இணையோடு
கொண்டாடி மகிழ்ந்திட வாழ்த்துக்கள்!

பிறக்கப் போவது ஆணா? பெண்ணா?

2010-01-03T20:22:00.004+08:00

தகவல் ஆதாரம் : பேராசிரியர் டாக்டர் ர.காதர் இபுறாஹீம் அவர்கள் எழுதிய ''ஆரோக்கிய வாழ்வின் இரகசியங்கள்'' என்ற நூலிலிருந்து.

இனிய திருமணநாள் வாழ்த்துக்கள் புதுகைத்தென்றல்!

2009-12-01T10:11:00.003+08:00

இன்று திருமண நாளை கொண்டாடும் புதுகைத்தென்றல் அக்காவிற்கு மனமார்ந்த மணநாள் வாழ்த்துக்கள்!

கேக்கவே ரொம்ப சந்தோஷமா இருக்கு...!

2009-11-23T21:52:00.003+08:00

கேளுங்க கேளுங்க கேட்டுகிட்டே இருங்க. கேக்குறதுக்கு என்னவோ சந்தோஷமா தான் இருக்கு.....ஆனா நிஜத்தில் முழி பிதுங்குது. வேற ஒண்ணும் செய்றதுக்கு இல்ல கேக்கிறதை தவிர.

வெண்பா வாத்தியாரின் புதிர் மோகம்!

2009-11-17T10:22:00.002+08:00

நம்ம ஜீவ்ஸ் அண்ணாச்சியை உங்களில் பலருக்கும் தெரிஞ்சி இருக்கும். மரத்தடியில் ஆரம்பித்த அவருடைய பயணம் ஏகப்பட்ட பரிமாணங்களை கொண்டதுன்னும் தெரிஞ்சி இருக்கும். வெண்பா மேல ரொம்ப அலாதியான மோகம் கொண்டவரு. அவரு கொண்ட மோகம் எப்படிப்பட்டதுன்னா ஆபீஸ் போயிட்டு இருக்கும் போது சிக்னல்ல கிடைக்கிற நிமிஷ கேப்ல கூட வெண்பா யோசிச்சி சிக்னல் விழுந்தது கூட தெரியாம பின்னால் உள்ளவங்க கிட்ட திட்டு வாங்கிட்டு போற அளவுக்கு பிரபலம்.

அப்புறம் என்ன ஆச்சுதோ தெரியல வெண்பாவை ஒரு ஓரமா கடாசிட்டு கேமரா மேல தீராத காதல் கொள்ள ஆரம்பிச்சாரு. புரபொஷனல் கேமரா வாங்கி மரம் செடி கொடியில் ஆரம்பித்து ஓடுறது ஆடுறது பறக்கிறதுன்னு ஒண்ணு விடாம படமா எடுத்து தள்ளினார். மேக்ரோ லென்ஸ் வாங்கினதை வெளி உலகுக்கு காமிக்க ஒரு எறும்பை கொன்னு அதை பெரிய டினோசர் கணக்கா படம் பிடிச்சார்ன்னா பார்த்துக்கோங்க.

புகைப்படக்கலைல ஜீவ்ஸ் அடுத்த கட்டத்துக்கு போவதை ஆர்வமா எதிர்பார்த்திட்டு இருக்கும் போது புரபொஷனல் கேமராவை தூக்கி பரண் மேல போட்டுட்டு பாக்கெட்ல இருக்கிறது கூட தெரியாத அளவுக்கு ஒரு பாய்ண்ட் அண்ட் ஷூட் கேமரா வாங்கனும்னு சொன்னாரு. என்ன ஆச்சு இந்த மனுஷனுக்குனு யோசிச்சிட்டு இருக்கும் போது தான் அவரோட பதிவு கண்ணுல பட்டுச்சு.

புதிர் போட ஆரம்பிச்சி இருக்காரு. இது எவ்ளோ நாளைக்குன்னு தெரியலை. ஆனா கொஞ்சமா நம்ம மூளைக்கு வேலை கொடுக்கிற அவரோட புதிர்கள் ரொம்ப நல்லாவே இருக்கு. நீங்களும் நேரம் கிடைக்கும் போது அவரோட புதிருக்கு சென்று பாருங்க.

புதிருக்கான சுட்டி:

உங்களுக்கான சவால்.. முடியுமா உங்களால்?

பனை ஓலைப்பாய்!

2009-11-02T20:07:00.005+08:00

ஓலைப்பாய் பார்த்திருக்கின்றீர்களா? கிராமங்களில் பெரும்பாலானவர்களின் வீடுகளில் பனை ஓலையில் பின்னப்பட்ட பாய் வைத்திருப்பார்கள். நெல் மற்றும் ஏனைய தானியங்களை வீட்டின் முற்றத்தில் உலர்த்துவதற்கு பனை ஓலைப்பாயை பயன்படுத்துவார்கள்.

பனைமர குருத்து மட்டையாக விரியும் முன் வெட்டி நிழலில் உலர்த்தி தனித்தனி ஓலையாக பிரித்து எடுத்து சின்ன ஓலைகளை கழித்துகட்டிவிட்டு ஒரே அளவிலான பெரிய ஓலைகளை சேர்த்து வைத்துக்கொண்டு ஓய்வான நேரத்தில் பாய் பின்னுவார்கள்.

தேவைக்கு ஏற்ப சிறிய மற்றும் பெரிய அளவிலான பாய் பின்னுவார்கள். பயன்பாட்டுக்கு பின் ஒரு பக்கத்தில் இருந்து சுருட்டி கட்டி வைத்து விடுவார்கள். மறுமுறை தேவைப்படும் போது அதை விரிப்பது கொஞ்சம் சிரமமான காரியம். ஒரு பக்கத்தில் இருந்து விரித்துக்கொண்டே வந்தால் மறுபக்கத்தில் இருந்து சுருண்டு கொண்டே வரும்.

சரி எதுக்கு இவ்ளோ கதை எல்லாம்னு நீங்க கேக்க நினைக்கிறது புரியுது. சரி விஷயத்துக்கு வருகிறேன். வைகைப்புயல் ஓலைப்பாயை விரிக்கிறேன் பேர்வழின்னு என்ன நிலைக்கு ஆளாகிட்டார்னு நீங்களே பார்த்து தெரிஞ்சுக்குங்க!

நாங்க எல்லாம் ஊருக்குள்ள பலபேருக்கு யோசனை சொல்லுறவய்ங்கன்னு கிளம்பி வைகைப்புயல் ரேஞ்சுக்கு யாரும் ஆளாகிடாதீங்க. அவ்ளோ தான் சொல்வேன்!

தமிழில் எழுதி போரடிச்சிடுச்சி..!

2009-09-13T22:04:00.004+08:00

தமிழில் எழுதி போரடிச்சிடுச்சி..அதனால நான் இப்போதைக்கு ஹிந்திக்கு என்னோட எழுத்து சேவையை விரிவு பண்ணி இருக்கேன்...அப்படியே இதுக்கு கிடைக்கிற வரவேற்பை பார்த்திட்டு மலையாளம் தெலுங்கு ஒரிய மொழின்னு போய்ட்டே இருக்கலாம்னு ஒரு பெரிய ப்ளான் போட்டு வச்சிருக்கேன்.

மறக்காம என்னோட ஹிந்தி பதிவுக்கு வாங்க!

"And, Now..."

2009-08-24T12:52:00.002+08:00

கழுத்தில் மாட்டும் ஸ்ட்ராப் இல்லாத
பைனாகுலர் ஒன்று இருந்தது என்னிடம்!

பள்ளிவிட்டு வந்ததும்
கண்ணாடி இல்லாத ஜன்னல் வழி
தொலைதூர தெருக்களில்
பிகர் பார்த்துக்கொண்டிருப்பேன்!

வெகு சுவாரசியமாக இருந்தது வாழ்க்கை!

எப்படியோ தொலைந்துபோனது அந்த பைனாகுலரும் ஒருநாளில்...

அத்துடன் என் ஃபிகரும்....!

ஏன் இப்பூடின்னு இங்க போய் பாருங்க

காதல் கறுப்பி!

2009-08-10T01:15:00.008+08:00

கறுப்புத்தங்கமே
இளையநிலாவே
உலக நாயகனே
காதல் கறுப்பட்டியே!

கடற்கரை மணலில்
பௌர்ணமி நிலவில்
காதலி நினைவில்
கவிபாடிடும் காதல்கறுப்பியே!

மனங்களை படிப்பதில்
தன்னிகரில்லா தலைவனே!
மலையழகை வடிப்பதில்
தற்பெருமையற்ற கவியே!

காதல் கோலங்களில்
கயல்விழி வரைந்தவனே!
காதல் கடிதங்களில்
கால் கொலுசு வடித்தவனே!

பூவரசம்பூ பூத்தபோதெல்லாம்
புனைவுகள் எழுதியவனே!
பூக்கள் வாடினாலும்
தான் வாடாதவனே!

ஒரு பெண்மையிடம்
ஒப்புக்கு தோற்றவனே!
இப்புவிதனில் மாசற்ற
தமிழ்க் குலவிளக்கே!

சொற்களின் சேகரிப்பில்
வசீகரங்கள் விதைத்தவனே!
உரையாடல் போட்டியின்
வெற்றி நாயகனே!

கும்மிப்பா பாடி மகிழ்கையில்
உன் வாழ்வும் சிறந்திட
வேண்டிடும் நெஞ்சங்கள்
காதல் கறுப்பட்டி ரசிகைகள்!

ஆக்கம்:
நிஜமா நல்லவன்

ஊக்கம்:
தமிழ் பிரியன்
ஆயில்யன்
சென்ஷி
பெரியபாண்டி-சக்கரைப்பட்டி

welcome - ஆயில்யன்!

2009-08-05T20:55:00.006+08:00

மாயவரம் ஈன்றெடுத்த நல்முத்தே
கத்தார் கண்டெடுத்த கற்கண்டே!
மல்லுவுட் புகழ் மாவீரனே
மரணகும்மியின் மாமைந்தனே!!

உண்மைகளை உறங்கவைத்த கல்லுளிமங்கா
கும்மிகுலக்கொழுந்துகளின் தானைத்தலைவா!
சக்கரைப்பட்டியின் சொக்கத்தங்கமே
வருக!வருக!!வருக!!!

சோம்பல் முறித்த கும்மியுலகில்
உன் வரவால் தீப்பொறி பறக்கட்டும்!

இப்படிக்கு
ஆயில்ஸ் பேரவை சார்பாக,
பெரியபாண்டி
தமிழ் பிரியன்
தமிழன் கறுப்பி
சென்ஷி
நிஜமா நல்லவன்

வினோபாபா,விவேகானந்தர் மற்றும் வள்ளலாரின் கலவையான சக்கரைப்பட்டியின் இளையபுதல்வன் சின்னப்பாண்டியை கண்டு மகிழுங்கள்!

டைரி - வெறு'மை'

2009-08-04T18:11:00.003+08:00

இனிய பிறந்தநாள் வாழ்த்துக்கள் சுரேகா!

2009-08-02T10:18:00.003+08:00

இன்று பிறந்தநாள் காணும் அன்பு நண்பர் சுரேகாவிற்கு மனம் கனிந்த இனிய பிறந்தநாள் வாழ்த்துக்கள்.

அனைவருக்கும் இனிய நண்பர்கள் தின வாழ்த்துக்கள்!

விகடன் வரவேற்பறை - தேன் கிண்ணம்!

2009-07-30T17:32:00.004+08:00

இந்தவார விகடன் வரவேற்பறையில் தேன் கிண்ணம் இடம்பெற்றுள்ளது. தேன்கிண்ணத் தேனீக்கள் அனைவருக்கும் மனமார்ந்த வாழ்த்துக்களும் நன்றியும்!

இனிய பிறந்தநாள் வாழ்த்துக்கள் நட்புடன் ஜமால்!

2009-07-27T18:07:00.005+08:00

கவிதை உலகில்
இடியென இறங்கிய
யாருக்கும் பிடிபடாத
பத்துவரிக் கவிதையின்
சொந்தக்காரரே!

தக்காளி ரசம்
ருசிப்போர் மத்தியில்
தளதள தக்காளிக்கு
உறைநிலைக் கவிதை
வடித்த உத்தமரே!

உறைநிலைக் கவிதையின்
நிலைகண்டு கலங்கி
நிலை கொள்ளாது திரிந்து
வெந்நீர் அபிஷேகம் செய்த
பின்நவீனத்துவ புதுவரவே!

பல்லாயிரம் பதிவுகளில்
முதல் பின்னூட்டமளித்து
பிளாக்கரில் ஆணி பிடுங்குவாரோ
என்றொரு மாயத்தோற்றத்தை
பார்ப்போர் மனங்களில் விதைத்தவரே!

இனிய பிறந்தநாள் வாழ்த்துக்கள்!

நிறைய பேர் வாழ்த்துப்பதிவு போட்டு இருக்காங்க. உங்களுக்கு தேடிப்பார்க்கிற கஷ்டம் வேண்டாம்னு இங்கயே எல்லோருடைய பதிவுக்கும் லிங்க் கொடுத்துட்டேன்!

எழுத்தோசை தமிழரசி

ப்ரியமுடன் வசந்த்

HUMMING BIRD

வண்ணத்துப்பூச்சியார்

தேன் கிண்ணம்

இயற்கை

வீட்டுப்புறா

சுவரொட்டி

மறவாதே கண்மணியே

பிரிவையும் நேசிப்பவள்

வயர்கூடை!

2009-06-23T20:38:00.003+08:00

Photo : Thanks to Desiknitter's Flickr Photostream.

பல வண்ணங்களில்
சுருள் சுருளாக
சுற்றப்பட்ட வயர்கள்!

ஓய்வான நேரங்களில்
முதல் முடிச்சுடன்
தொடங்கிடும் பின்னல்!

சில நாட்கணக்கில்
சில வாரக்கணக்கில்
அழகிய வேலைப்பாடுகளுடன்
எழிலாய் ஜொலிக்கும்!

மளிகைக்கடை செல்கையில்
முன் தொங்கும்
மிதிவண்டியில்!

வெளியூர் பிரயாணங்களில்
தவிர்க்கவே முடியாமல்
சுமைகள் தாங்கி
உடன் வரும்!

மஞ்சள் பை
காணாத தருணங்களில்
பள்ளி கூட வந்ததுண்டு!

கேரிபேக் அலையில்
அடித்து சென்றது
வயர்கூடைகள் மட்டுமல்ல
அழகிய கைத்தொழிலும் தான்!

எனக்கு இல்லை கும்மி!

2009-06-22T19:48:00.003+08:00

பின்னூட்டங்கள்
இல்லாத
இடுகை!

இடுகை பக்கத்தை
புதுப்பித்து புதுப்பித்து
வெறுத்துப்போய்
அனானியாய்
களம் கண்டு
மகிழலாமா?

கொலைவெறிக் கும்மி
நடக்குமென
நினைத்து
ஒவ்வொரு பதிவாய்
ஏறி இறங்கலாமா?

நான்
பின்னூட்ட பைத்தியம்
அதனாலோ
கும்மி அடிப்பதில்
எப்போதும்
அளவில்லா இன்பம்
திளைக்கும்!

இந்தப்பதிவுக்கான மூலம் இங்கே!

ஆயில்யா(னந்தா) என்ன கொடுமை இது?

2009-06-16T20:16:00.003+08:00

ஆயில்ஸ் கிட்ட எவ்ளோ கேட்டுப்பார்த்தேன். பின்னூட்டப்பெட்டியை கேரளம் விளிக்குனு பதிவுக்கு திறக்கமாட்டேன்னுட்டார். அதனால கும்மி குலக்கொழுந்துகள் வாடிடக்கூடாது என்ற நல்ல எண்ணத்தில் இந்த பதிவு. ஆயிலை அங்க கும்ம முடியாதவர்கள் இங்கு கும்மவும்!

கொசுறு!

ஆயில்யனின் பொன் மொழிகளில் மிகப்பிடித்த ஒன்று.

ஒரு பைப்பை திறந்தா தண்ணி வருகிற மாதிரி இன்னொரு பைப்பை திறந்தா சோறு வந்தா எவ்ளோ நல்லா இருக்கும்!

PiT - ஜூன் - முதுமை!

2009-06-15T17:51:00.003+08:00

சென்ற வாரம் செந்தோசா தீவில் அலைஞ்சிட்டு இருக்கும் போது பார்க்கிறதுக்கு அப்படியே எங்க ஊரு அய்யனார் மாதிரியே இருந்தார். அதான் சுட்டுட்டு வந்துட்டேன். இந்தப்படத்துக்கு பரிசு கிடைக்காதுன்னு தெரிஞ்சாலும் நான் எல்லாம் போட்டியில கலந்துக்கிறதையே பெரிய விஷயமா நினைக்கிற ஆளு. அதனால இதையே இந்த மாத PiT போட்டிக்கு அனுப்பிடப்போறேன்! காசா பணமா உங்களுக்கு தோணுவதை அப்படியே பின்னூட்டத்தில் சொல்லிட்டு போங்க!

பாடாய் படுத்தும் 32!

2009-06-12T20:14:00.009+08:00

1 . உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா ?

பதிவுலகில் நுழைந்த போது நிறைய பேர் புனை பெயரிலேயே எழுதிக்கொண்டிருப்பதை பார்த்து நானே வைத்து கொண்ட பெயர் தான். நல்லவன் என்று தான் பெயர் வைக்க நினைத்தேன். எதற்கும் இதே பெயரில் வேறு யாரனும் இருக்கிறார்களா என்று கூகுளில் தேடியதில் வேறு ஒருவர் இருந்ததால் நிஜமா நல்லவன் என்று வைத்துக்கொண்டேன். பேருக்கும் எனக்கும் எந்த சம்பந்தமும் இல்லைன்னு நீங்க நினைச்சா அதுக்கு நான் ஒண்ணும் பண்ணுறதுக்கு இல்லை:)

2. கடைசியாக அழுதது எப்பொழுது?

தினம் தினம் தான் அழுகிறேன்.கடைசியா என்பதால் சற்று முன் ஆம்லெட்டுக்கு வெங்காயம் அரிந்த போது.

3. உங்களோட கையெழுத்து உங்களுக்கு பிடிக்குமா?

தலை எழுத்து நல்லா இல்லாதவங்களுக்கு கையெழுத்து நல்லா இருக்கும் என்று சொல்லுவாங்க. என்னோட கையெழுத்து ரொம்ப நல்லா இருக்கும். பிடிக்கும் என்று நினைக்குறீங்களா?

4. பிடித்த மதிய உணவு என்ன?

சாப்பிடாமலே உயிர் வாழ வழி இருக்கிறதா என்று யோசிச்சிட்டு இருக்கேன். இதிலே பிடித்த உணவு என்று எதை சொல்வது?

5. நீங்கள் வேறு யாருடனாவது உங்களோட நட்பை உடனே வச்சுக்குவீங்களா?

திருக்குறளில் நட்பு அதிகாரம் தேடி படிச்சி தெளிஞ்சி நட்பு வச்சிக்கிற அளவுக்கு பொறுமை எல்லாம் இல்லைங்க. உடனே தான்!

6. கடலில் குளிக்க பிடிக்குமா....அருவியில் குளிக்க பிடிக்குமா?

கடலில் ஏனோ எனக்கு குளிக்க பிடிப்பதில்லை. அருவியில் குளிக்க மிக பிடிக்கும்.

7. முதலில் ஒருவரைப் பார்க்கும் போது எதை கவனிப்பீர்கள்?

கண்கள்

8. உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன ?

பிடிச்ச விஷயம் : எந்த ஒரு செயலையும் நேர்த்தியாக செய்வது.

பிடிக்காத விஷயம் : முன் கோபம்

9. உங்க சரி பாதி கிட்ட உங்களுக்கு பிடித்த பிடிக்காத விசயம் எது?

பிடிச்ச விஷயம் : எதையும் மனதில் வச்சுக்காம வெளிப்படையா பேசுவது, திருமணத்திற்கு முன் சுடு தண்ணி கூட போட தெரியாமல் இருந்துவிட்டு இப்போது எல்லா விதமான சமையலையும் சுவையாக செய்வது.

பிடிக்காத விஷயம் : மனைவி என்றில்லை யாராக இருந்தாலும் அவரிடம் பிடித்த விஷயங்களை வெளியில் சொல்லலாம்....பிடிக்காத விஷயங்களை அவர்களிடம் மட்டுமே சொல்லிவிடுவேன்!

10. யார் பக்கத்துல இல்லாம இருக்குறதுக்கு வருந்துகிறீர்கள் ?

உறவுகள்

11. இதை எழுதும் போது என்ன வர்ண ஆடை அணிந்து உள்ளீர்கள் ?

இப்படி ஒரு கேள்வி தேவையா??

12. என்ன பார்த்து/கேட்டுக் கொண்டு இருக்குறீங்க ?

கணிணித்திரையை பார்த்துக்கொண்டு இருக்கிறேன். பக்கத்தில் மின்விசிறியின் மெல்லிய சத்தம் மட்டுமே கேக்கிறது.

13. வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?

'பேனாக்களாக' என்பதால் வானவில்லின் அனைத்து நிறங்களாகவும்.

14. பிடித்த மணம்?

கிராமத்தில் எங்கவீட்டு பின்புறத்தில் மல்லிகை தோட்டம் உண்டு. குண்டுமல்லி வாசம் தான் இப்பவும் எப்பவும் மிகப்பிடித்த ஒன்று.

15.நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்க காரணம் என்ன ?

நான் எழுத அழைப்பது இவரை தான். இவரிடம் மிக பிடித்த விஷயம் எனக்கு புரியாத மாதிரி எழுதுவது. அழைக்க காரணம் நீங்களாவது படிச்சி புரிஞ்சிகிட்டு எனக்கு சொல்லுவீங்க என்ற ஆசை தான்!

16. உங்களுக்கு இதை அனுப்பிய பதிவரின் பதிவில் உங்களுக்குப் பிடித்த பதிவு ?

ஜோதிபாரதி மற்றும் ஆயில்யன் இருவருமே என்னை எழுத அழைத்து உள்ளனர். ஜோதிபாரதியின் கவிதைகள் மிகப்பிடிக்கும். தல தமிழ்பிரியன் சொன்னது போல ஆயில்ஸ் அவர்களின் 1ம் இல்லை பதிவுகள் மிகப்பிடிக்கும்.

17. பிடித்த விளையாட்டு?

வாழ்க்கையே ஒரு மிகப்பெரிய விளையாட்டா இருக்கு. அதையும் தாண்டி பிடித்த விளையாட்டு கேரம் மற்றும் செஸ்.

18. கண்ணாடி அணிபவரா?

ஒற்றை தலைவலியால் பத்தாவது படிக்கும் போது மிக அவதிப்பட்டேன். அப்போது அணிந்திருக்கிறேன். இப்போது இல்லை.

19. எப்படிப்பட்ட திரைப் படம் பிடிக்கும்?

இந்தப்படத்தை பார்க்காமலே இருந்திருக்கலாமோ என்று நினைக்க தோன்றாத எல்லா படமும் பிடிக்கும்.

20. கடைசியாகப் பார்த்த படம்?

சர்வம்(கொடுமை தாங்கல....பாதில எழுந்து வந்துட்டேன்)

21. பிடித்த பருவ காலம் எது?

கார் காலம் மற்றும் குளிர் காலம்

22. என்ன புத்தகம் படித்துக் கொண்டு இருக்கீங்க?

தற்சமயம் எந்தப்புத்தகமும் படித்துக்கொண்டிருக்கவில்லை.

23. உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?

நாள் கணக்கு எல்லாம் இல்லை. நான் எடுக்கும் புகைப்படங்களில் அத்தி பூத்தது போல எப்போதாவது ஒரு சில படங்கள் மிக நன்றாக வரும். அப்போது மட்டுமே மாற்றுவேன்.

24. பிடித்த சத்தம் ? பிடிக்காத சத்தம்?

பிடித்தது குழந்தைகளின் சிரிப்பு மற்று அதிகாலை குயிலோசை.
பிடிக்காதது எரிச்சல் படுத்தும் தேவையற்ற ஹாரன் சத்தம்.

25. வீட்டை விட்டு நீங்கள் சென்ற அதிக பட்ச தொலைவு?

சிங்கப்பூர்

26. உங்களுக்கு ஏதாவது தனித் திறமை இருக்கிறதா?

வடிவேலு சொல்லுற மாதிரி தான்......இருக்கு....ஆனா இல்லை:)

27. உங்களால் ஏற்றுக் கொள்ள முடியாத ஒரு விஷயம்?

தனியா பதிவு போடுற அளவுக்கு லிஸ்ட் ரொம்ப பெருசு...:)

28. உங்களுக்கு உள்ளே இருக்கும் சாத்தான்?

சாத்தான்கள் என்று கேட்டு இருக்கணும். சாத்தான் என்று கேட்டதால நான் ஒரு சாத்தானை மட்டும் சொல்லப்போக மற்ற சாத்தான்கள் எல்லாம் என்மேல கொலைவெறியோட பாய்ஞ்சா என்ன பண்ணுறது????

29. உங்களுக்கு பிடித்த சுற்றுலா தலம்?

எங்க வீட்டு மொட்டை மாடி தான்.

30. எப்படி இருக்கணும்னு ஆசை?

எப்படி எல்லாம் இருக்க கூடாதோ அப்படி எல்லாம் இல்லாமல் இருக்கணும் என்ற ஆசை தான்.

31.மனைவி இல்லாம செய்ய விரும்பும் ஒரே காரியம் ?

எப்படியாது வம்புல மாட்டி விட்டுடுற எண்ணத்திலேயே கேட்ட கேள்வி மாதிரி இருக்கு. எதை செஞ்சாலும் மனைவி முன்பே செய்து நாலு மொத்து வாங்கினாலும் எதுவுமே நடக்காத மாதிரி இருந்துடுவோம்ல..:)

32. வாழ்வு பற்றி ஒரு வரி சொல்லுங்க?

கானல் நீர்.

(படம்)பிடித்ததில் பிடித்த சில!

2009-06-06T13:26:00.004+08:00

படத்தை க்ளிக் பண்ணி பெரிதாக்கி பாருங்க. அப்படியே எந்த படம் நல்லா இருக்குன்னு சொல்லிட்டு போங்க.

பிறந்த நாள் வாழ்த்து - கானா பிரபா!

2009-05-14T16:55:00.003+08:00

இன்று சிங்கையில் தனது பிறந்த நாளை கொண்டாடிக்கொண்டிருக்கும் இனிய நண்பர் கானா பிரபா அவர்களுக்கு இனிய பிறந்த நாள் வாழ்த்துக்கள்!

உடல்மொழி!

2009-03-27T16:19:00.002+08:00

மெல்லிய முனகல்
சூடு பொறுக்காமல்
கை தவறிற்று
தேநீர் குவளை!

தகிக்கும் தணல்
சூடேறிய கம்பிகள்
கொம்பு தீய்க்கப்பட
காளைக்கன்று!

வாய்மொழி மட்டுமல்ல
உடல்மொழி கூட
வெவ்வேறானவை தானோ?

வாழைச்சருகு!

2009-03-24T19:03:00.004+08:00

வாழைச்சருகில் சாப்பிட்டு இருக்கின்றீர்களா? என்ன தான் வித விதமான எவர்சில்வர், பீங்கான், வெள்ளி, டிஸ்போசபிள் தட்டுகளில் சாப்பிட்டாலும் கூட கிடைக்காத ஒரு வித சந்தோஷம் வாழைச்சருகில் சாப்பிடும் போது தோன்றும். இப்போது யாரும் பயன் படுத்துகின்றார்களா என்று தெரியவில்லை.

எங்க வீட்டில் எப்போதும் வாழைச்சருகு கட்டு கட்டாக இருக்கும். வீட்டிற்கு யாரேனும் விருந்தாளிகள் வந்துவிட்டால் பரண் மீது வைத்திருக்கும் வாழைச்சருகு கட்டு தூசு தட்டப்படும். விருந்தாளிகளுடன் சேர்ந்து நாங்களும் வாழைச்சருகில் தான் சாப்பிடுவோம் என்று அடம் பிடிப்போம். வாழை இலை போலில்லாமல் மிகவும் மடிப்புகளுடனும் சுருக்கங்களுடனும் இருக்கும். தண்ணீர் தெளித்து மிக மெதுவாக தேய்த்து அலச வேண்டும். சற்றே கை அழுந்தப்பட்டால் கூட கிழிந்து விடும்.

சாதம் பரிமாறப்பட்டதும் குழம்பு ஊற்றி சாப்பிடுவதில் எந்த சிக்கலும் இருக்காது. ஆனால் அதற்கு பிறகு தான் பிரச்சனையே ஆரம்பிக்கும். பாயாசம் கெட்டியாக இல்லாவிட்டால் பெரும் போராட்டமே நடத்த வேண்டியிருக்கும். சில நேரங்களில் ரசம் ஊற்றி பிசைந்து கொண்டிருக்கும் போது சருகு கிழிந்து விடும். சருகை சற்று தூக்கி பிடித்தவாறே சாப்பிட்டு முடிப்பதற்குள் போதும் போதும் என்று ஆகி விடும். ரசமோ அல்லது மோரோ கொஞ்சம் போல கூட ஊற்றி விட்டார்கள் என்றால் அதை அள்ளி குடிக்கவும் முடியாது. வாழை இலை போன்று கையால் ஒரு சுழற்று சுழற்றி வழித்து வாயில் வைத்து உறிஞ்சவும் முடியாது. சரி சாப்பிட்ட வரைக்கும் போது என்று நினைத்து எப்படியாவது சுருட்டி வெளியில் கொண்டு போய் போட்டு விடலாம் என்றால் சுருட்டும் போதே லேசாக கிழிந்து வாசல் தாண்டும் முன்பே கீழே சிந்த ஆரம்பித்து விடும்.

என்ன தான் தொல்லை தந்தாலும் அடுத்த முறை விருந்தாளி வரும் போதும் வாழைச் சருகு தான் வேணும்னு அடம் பிடிச்சி சாப்பிடுவோம்ல!

அட..இது என்னவா இருக்கும்?

2009-03-21T20:59:00.005+08:00

படத்தை ரொம்ப எடிட் (Apply Threshold ) பண்ணியதில் இப்படி ஆகி போச்சுங்க. எதுக்கும் படத்து மேல க்ளிக் பண்ணி பாருங்க. அப்படியும் தெரியலைன்னா உதவிக்குறிப்பு பாருங்க!

உதவிக் குறிப்பு: ஆற்காட்டார் புண்ணியத்தில் மக்களுக்கு திரும்பவும் என்னோட நினைவு வந்துடுச்சி!

ஜீவ்ஸின் ஜீவனுள்ள கிளிக்குகள்!

2009-03-20T21:35:00.003+08:00

அதிர்ஷ்டம் கூரையை பிச்சிகிட்டு கொட்டும்னு கிராமத்தில் ஒரு பழமொழி சொல்லுவாங்க. எல்லா விஷயங்களும் நல்ல விதமா நடந்துகிட்டு இருந்துச்சின்னா இப்படி சொல்லுவாங்க.அது மாதிரி தான் முன்னாள் மரத்தடியாரும் இந்நாள் புகைப்பட கலைஞரும் எல்லோராலும் அன்புடன் புரபோஷனல் கொரியர் என்று செல்லமாக அழைப்படும் நம்ம ஜீவ்ஸ் அண்ணாச்சியின் நிலைமையும் இருக்குதுங்க.

இரண்டு நாள் முன்பு தான் அவரோட சிறுகதை ஒன்று யூத் விகடனில் வெளி வந்தது. அதை பற்றிய பதிவு இங்கே. இன்னைக்கு பார்த்தா ஜீவ்ஸின் ஜீவனுள்ள கிளிக்குகள் என்ற தலைப்பில் அவர் எடுத்த மிகச்சிறந்த புகைப்படங்களை பிளிக்கர் ல இருந்து தொகுத்து யூத் விகடனில் வெளியிட்டு உள்ளார்கள்.

சிறுகதை வந்த போது இருந்த மகிழ்ச்சியை விட அவரின் புகைப்பட தொகுப்பை பார்க்கும் போது மிக மகிழ்கிறேன். மேலும் மேலும் அரிய நல்ல புகைப்படங்களை எடுத்து மிகச்சிறந்த கலைஞனாக மிளிர எனது மனமார்ந்த வாழ்த்துகள்!

துளசி டீச்சரின் வலையுலக வாரிசு!

2009-03-19T19:12:00.003+08:00

துளசி டீச்சர். இவங்களை தெரியாத பதிவர்களே இருக்க முடியாது. சமீபத்தில் டீச்சரையும் கோபால் மாமா அவர்களையும் சந்திக்கும் சந்தோஷ தருணம் சிங்கை பதிவர்களுக்கு கிட்டியது. சந்திப்பு பற்றிய திரு.டொன் லீ அவர்களின் பதிவு இங்கே.

800-க்கும் மேற்பட்ட பதிவுகள். நினைத்துப் பார்க்கவே மலைப்பாக இருக்கிறது. வாழ்க்கையோட்டத்தில் தினந்தோறும் நிகழும் சின்ன சின்ன விஷயங்கள் முதல் அவர்கள் மேற்கொண்ட சுற்றுப்பயணங்கள் வரை மிக சுவாராஸ்யமாக பதிவாக்கி உள்ளார்கள்.

துளசி டீச்சர் மாதிரியே இன்னொரு டீச்சர் பதிவுலகில் கலக்கிட்டு வர்றாங்க. சந்தைக்கு காய்கறி வாங்க போயிட்டு வந்தா அதுவும் பதிவா வெளி வந்திடும். நல்ல சமையல் பண்ணினா உடனே அதுவும் பதிவாகிடும்.இரண்டு மூன்று நாள் வெளியூர் பயணம் போயிட்டு வந்தாங்கன்னா உடனே ஒரு பத்து பதிவு போட்டுடுறாங்க. பதிவுலகிற்கு வந்து ஒரு வருஷம் தான் முடிஞ்சி இருக்கு. ஆனா இப்பவே 375 பதிவுகள் போட்டுட்டாங்க. யார் என்று இந்நேரம் உங்களுக்கு தெரிஞ்சி இருக்குமே.

புதுகைத்தென்றல் அக்கா தான். இவங்க இதே வேகத்தில் போனா இவங்களோட பதிவுகளின் எண்ணிக்கை துளசி டீச்சரையும் தாண்டிடும் போலிருக்கிறது. யார் எவ்ளோ பதிவுகள் போட்டா என்ன....நல்ல நல்ல பதிவுகள் கிடைக்கிறது ரொம்ப சந்தோஷமாக இருக்கிறது.

டிஸ்கி:இந்த வாரம் என்னுடைய பதிவுகளின் தலைப்பில் பிரபல பதிவர்களின் பெயராக வந்து கொண்டிருக்கிறதே என்று யோசிக்குறீங்களா? நீங்க தாங்க நான் தேடிட்டு இருக்கும் நபர். நாளைக்கு யாருடைய பேர் வரும்னு சொல்லுங்க பார்க்கலாம்??

அபி அப்பா பாணியில் ஆனந்த விகடனுக்கு நன்றி!

2009-03-18T22:58:00.003+08:00

மௌனத்தின் அலறல் முழுவதுமாக படிக்க இங்கே கிளிக் செய்யுங்கள் !

புகைப்பட கவிஞர் ப்ரொபஷனல் கொரியர் ஜீவ்ஸ் அண்ணாச்சியின் மௌனத்தின் அலறல் என்ற சிறுகதையை யூத் விகடனில் வெளியிட்ட ஆனந்த விகடனுக்கு நன்றி!

பரிசல்காரன் முதலாக தமிழ்மணத்திலிருந்து 'விடை' பெற்ற பதிவர்கள்..!

2009-03-17T17:15:00.005+08:00

1.பரிசல்காரன்

2.ரமேஷ் வைத்யா

3.இளைய பல்லவன்

4.வெட்டிப்பயல்

5.சந்தனமுல்லை

6.நர்சிம்

7.பூச்சாண்டியார்

8.தாமிரா

9.சரவணகுமரன்

10.ஹி..ஹி..ஹி..நானும் உண்டு!

மேல உள்ள எல்லோருமே இன்னமும் தமிழ்மணத்தில் இணைந்து தானே இருக்காங்க. அப்புறம் எப்படி விடை பெற்றார்கள்ன்னு யோசிக்குறீங்களா?

எல்லோருடைய பேரையும் கிளிக் பண்ணி படிச்சீங்கன்னா தெளிவா புரிஞ்சிடும். எல்லோருமே பத்து கேள்விகளை பதிவாக்கி தமிழ்மணத்திற்கு அனுப்பி அங்கிருந்து வரும் பதிவர்கள் மூலம் விடைகளை(எங்கப்பா விடை சொன்னாங்க...ஒரே கும்மி தான்) பின்னூட்டத்தில் பெற்றிருக்கிறார்கள் தானே? அப்படின்னா தமிழ்மணத்திலிருந்து விடை பெற்றார்கள் என்பது சரி தானே??

தமிழ் சினிமாவுல தான் லாஜிக் இடிக்கும். தமிழ்மணத்திலிருந்து விடை பெற்றார்கள் என்பதில் லாஜிக் எதுவும் இடிக்கலையே??

இது என்ன?

2009-03-07T12:11:00.006+08:00

படத்து மேல க்ளிக் பண்ணி பாருங்க!நல்லா பாருங்க!! பார்த்துட்டு 'மென்னு முழுங்காம' என்னன்னு சொல்லிட்டு போங்க.

மேல உள்ள வரியிலும் லேபிளிலும் கூட க்ளூ இருக்கு.

பி.கு:வழக்கம் போல கேமராவை வச்சி நோண்டிக்கொண்டே(உருப்படியா இதுவரைக்கும் ஒரு படம் கூட எடுக்கலைங்க) இருக்கும் போது எடுத்தது. இருக்கிற குற்றம் குறைகளை பெரியவங்க சொல்லிட்டு போங்க...!

கருப்பு-வெள்ளை!

2009-03-04T17:35:00.011+08:00

PiT-ல மாதந்தோறும் போட்டி நடத்துறாங்க. ஒவ்வொரு தடவையும் கலந்து கொள்ள வேண்டும் என்று ஆசையாகத்தான் இருக்கும். ஆனா நான் எடுத்து வச்சிருக்கிற படங்களை பார்த்தா பல சமயங்களில் எனக்கே பிடிக்காது. அதனால படங்களை அனுப்புவது இல்லை.

சரி. இந்த மாதம் ஏன் அனுப்ப போறேன்னு தானே கேக்க நினைக்குறீங்க. அது வேற ஒன்னும் இல்லைங்க. கலர்கலரா படம் எடுத்தா தான் இது சரியில்லை...அது சரியில்லைன்னு சொல்லுறாங்க. நாம அனுப்ப போறது கருப்பு-வெள்ளை தானே.(கருப்பு-வெள்ளை ன்னா ரொம்ப சுலபம் இல்லைன்னு இப்ப தான் தெரியுதுங்க)

இந்த படங்களை பார்த்துட்டு ஒருத்தர் சொன்னாரு..நீ பேசாம இனிமே கருப்பு-வெள்ளை படமே எடுன்னு. எனக்கென்னமோ அவரு என்னை கிண்டல் பண்ணி இருப்பார்ன்னு தோனுது. எதுக்கும் நீங்க போடுற பின்னூட்டத்தை வைத்து உண்மை என்னான்னு தெரிஞ்சிக்கிறேன்!

போட்டிக்கு ஒரு படம் தான் அனுப்பனுமாம். எனக்கு எந்த படத்தை அனுப்புவது என்று கொஞ்சம் குழப்பமா இருக்கு. நீங்க தான் இவ்ளோ தூரம் வந்துட்டீங்களே. அப்படியே எந்த படம் நல்லா இருக்குன்னு கொஞ்சம் சொல்லிட்டு போய்டுங்களேன்!

மறக்காம படத்தின் மேல் கிளிக் பண்ணி பெரிதாக்கி பாருங்க!

புதிரோ புதிர் - பாகம் 6 விடைகள்!

2009-03-02T17:36:00.003+08:00

Loading...

சரியான பதில்கள்!

1.நாகர்கோவில்

2.கணையாழி

3.காலச்சுவடு

4.கன்னியாகுமரி

5.மதுராந்தகம்

எளிதான புதிர்கள் என்றே நினைத்தேன்....என் நினைப்பிற்கு மாறாக சற்றே கடினமாக இருந்திருக்கும் போலிருக்கிறது. தாரணிப்பிரியா, ராசுக்குட்டி மற்றும் சித்தார்த் மட்டுமே அனைத்திற்கும் சரியான பதில்களை சொல்லி இருக்கின்றார்கள்.

முதலில் வந்து சரியான பதில்களை தந்தது யார் என்று தெரியவில்லை. அவர் தனது பெயரை குறிப்பிடவில்லை. மேலும் ஒருவர் தனது பெயரை குறிப்பிடாமல் இரண்டு சரியான பதில்களை அளித்துள்ளார். அவரும் யார் என்று தெரியவில்லை. பின்னூட்டத்தில் கேட்டும் பதில் இல்லை.

சுப்பு எல்லாவற்றிற்கும் ஒரே பதிலை அளித்துள்ளார். எல்லாம் தெரிந்த எல்லப்பன் யாரென்று தெரியவில்லை. அவரது பதில்களும் மிக அருமை.

புதிரில் கலந்து கொண்ட அனைவருக்கும் என் பணிவான நன்றி!

புதிரோ புதிர் - பாகம் 6

2009-02-26T18:43:00.000+08:00

நினைவேட்டின் மக்கிப்போன பக்கங்கள்!

2009-02-22T21:39:00.005+08:00

காக்கை குளியல்
கவளமாய் கொஞ்சம் சோறு
தபால் பெட்டி காற்சட்டை
பலவண்ணக் கறைகளோடு மேற்சட்டை

திருவிழாவில் வாங்கிய கடிகாரம்
பழுப்பேறிய பூம்புகார் மஞ்சள் பை
கிழிந்த புத்தகங்கள் சில
மரச்சட்டங்களின் ஆட்டத்தோடு எழுத்துப்பலகை

சிறிதும் பெரிதுமாய் பலப்பங்கள்
முனை ஒடிந்த எழுதுகோல்
சில்லறையாய் கொஞ்சம் காசுகள்
குதிகால் பகுதி தேய்ந்த போன செருப்புகள்

செம்மண் வீதி வழியே பள்ளிக்கான பயணம்
நீண்ட வழியில் இடையிடையே இணையும் நண்பர்கள்
வழியோரக்கடைகளில் வாங்கிய தின்பண்டங்கள்
எல்லாவற்றையுமே சமமாய் பகிர்தல்

புழுதி மண் பறக்கும் சாலையில்
மாட்டு வண்டியில் தொற்றியபடி
மிதிவண்டி பின்னே ஓடியபடி
சிரிப்பும் கும்மாளமுமாய் ஓட்டம்

சற்றே களைத்து தளர்கையில்
வீதியோர தண்ணீர் குழாய்களில்
முண்டியடித்து தாகம் தணிந்த பின்
மீண்ட உற்சாகத்தோடு தொடரும் பயணம்

ஆலமரத்து பிள்ளையாரிடம்
வகைதொகை இல்லா வேண்டுதல்
கன்னத்தில் போட்டு கரணமும் போட்டு
அமைதியாய் சில நிமிட நடை

மாக்கட்டிகளால் எழுதுவதை
எச்சில் தொட்டு அழிக்க மனமின்றி
வழி நெடுக கோவை இலை பறித்தல்
கூடவே செக்கச்சிவந்த கோவைப்பழங்களும்

இடைவேளைகளில் உண்டு மகிழ
நாவல் இலந்தை பழம் பறித்தல்
எல்லாம் கடந்து பள்ளி சேர்கையில்
இனம் காண இயலாத மகிழ்ச்சி.

நினைவேடுகளின் மக்கிப்போன
பக்கங்களில் உள்ள சந்தோஷம்
இன்று நிஜமாய் பள்ளி செல்வோர்
முகங்களில் இருக்கிறதா?

கும்மி பின்னூட்டவாதிகளிடம் 'பத்து' கேள்விகள்!

2009-02-19T20:22:00.003+08:00

1.பதிவு போட்ட பத்து நிமிடத்தில் எங்க இருந்தாலும் ஒன்னு கூடி ஆளாளுக்கு பின்னூட்டங்களை போட்டு யார் நூறு அடிப்பது என்று போட்டி போடுறீங்களே...இதே வேகத்தை எப்பவாவது உங்கள் வேலையில் காட்டியதுண்டா?

2.கஷ்டப்பட்டு நிறைய தகவல்கள் எல்லாம் திரட்டி ஒரு பதிவு போட்டா அந்த பதிவுக்கு சம்பந்தமே இல்லாத பின்னூட்டங்களை போடுறீங்களே ஏன்?

3.நல்ல விதமா பின்னூட்டம் போட்டுட்டு இருக்கிறபோது திடீரென்று வெறும் நம்பர்களை மட்டும் போடுறீங்க...ஏன் நீங்க சின்ன வயசுல சரியா ஒன்னு ரெண்டு படிக்கலையா? இல்லை படிச்சது மறந்துட கூடாது என்ற எண்ணமா?

4.அடுத்தவங்க பொருளுக்கு ஆசைப்படுறது எப்படி தவறோ அது மாதிரி தானே அடுத்தவங்க பின்னூட்டத்தை காப்பி பண்ணி போடுறதும். சரி அதையாவது மன்னிச்சி விடலாம்னு பார்த்தா காப்பி பண்ணி போட்டுட்டு ''ரிப்பீட்டேய்ய்ய்ய்ய்ய்'' ன்னு ஊளை இடுறீங்களே அது ஏன்?

5.நீங்களும் ஒரு பதிவர் என்பதை மறந்து பல நேரங்களில் பதிவை படிக்காமலே டெம்ப்ளேட் பின்னூட்டங்களை கணக்கு வழக்கில்லாமல் போடுறீங்களே...உங்களுக்கு என்ன செலக்டிவ் அம்னீஷியாவா?

6.பதிவோட லிங்க் கொடுக்காம பின்னூட்ட பொட்டியோட லிங்கை கொடுத்து கும்மிக்கு ஆள் சேர்க்குறீங்களே...அட்லீஸ்ட் கும்மி அடிச்சி முடிச்ச பிறகாவது பதிவை படிப்பீங்களா?

7.நீங்க அடிக்கிற பின்னூட்ட கும்மியில் தமிழ்மணத்தில் உங்க பேரு வீங்கி போய் கிடக்கிறது தெரிஞ்சும் பதிவை படிக்கவே நேரம் இல்லை என்றும் பின்னூட்டம் போடுறதே இல்லைன்னு வாய் கூசாம பொய் சொல்லுறீங்களே ஏன்?

8.நீங்க கும்மி அடிக்கிற வேகத்தை பார்த்தா கீ போர்டுல உள்ள பட்டன் எல்லாம் தெறிச்சி விழுந்து வாரத்துக்கு ஒன்னு மாத்துறது மாதிரி இருக்குமே...இதை எப்படி மேனேஜ் பண்ணுறீங்க?

9.சில நேரங்களில் பல பின்னூட்ட பொட்டிய தொறந்து வச்சிக்கிட்டு இங்க போட வேண்டியதை அங்கயும் அங்க போட வேண்டியதை இங்கயும் போடுறீங்க....அதையும் யாராவது கண்டுபிடிச்சி கேட்டா உலகநாயகன் பட தியரி கதை எல்லாம் சொல்லி வெறுப்பேத்துறீங்களே...இது உங்களுக்கே சரின்னு படுதா?

10.ஒரு பதிவில் கும்மிட்டு இருக்கும் போது வேற ஒரு இடத்தில் கடை திறந்து இருக்குன்னு ஓடுறீங்களே...இப்படி கடை கடையா ஏறி இறங்குற நீங்க எப்ப தான் ரெஸ்ட் எடுப்பீங்க?

காலைச் சிற்றுண்டி!

2009-02-17T17:07:00.002+08:00

பசுஞ்சாணம் மெழுகிய தரை
பனை ஓலை தரை விரிப்பு
பழைய சோறோடு தயிர்
பச்சை மிளகாய் கூடவே
ஆஹா காலைச் சிற்றுண்டி என்னே ருசி!

பளபளக்கும் பளிங்குத்தரை
அழகிய உணவு மேசை
விதவிதமாய் சிற்றுண்டி வகைகள்
வயிறோ மனமோ நிறைவின்றி எழுகையில்
கிராமத்து நினைவுகள் நிழலாடுகிறது!

யூத் புல் விகடனில் சுரேகா..!!

2009-02-14T09:44:00.005+08:00

காதலர் தினத்துக்கு நம்ம சுரேகா அண்ணாச்சி எழுதின கவிதை யூத் புல் விகடனில் வந்திருக்கு...பார்த்து படிச்சிட்டு வாழ்த்திட்டு போங்க.... ராம் சேனா காரங்களுக்கு தகவல் கொடுத்துடாதீங்க...சுரேகா அண்ணாச்சி ரொம்ப நல்லவரு..!

இங்க கிளிக் பண்ணி பாருங்க!

கவிதையை படிச்சிட்டு வாழ்த்"திட்டு" போக இங்க போங்க!

கடலோரக் கவிதை!

2009-02-04T19:36:00.002+08:00

கவிதை எழுத சொல்லி என்னை இம்சை படுத்திய நல்ல உள்ளத்திற்காக....நான் எழுதிய கடலோரக் கவிதை!

பார்க்க படிக்க இங்க கிளிக் பண்ணுங்க...

இனிய பிறந்தநாள் வாழ்த்துக்கள் அம்ருதா!

2009-01-19T06:04:00.001+08:00

புதுகைத்தென்றல் அக்கா வீட்டுச்செல்லம் அம்ருதா இன்று பிறந்தநாள் கொண்டாடுறாங்க....அவங்களுக்கு இனிய பிறந்தநாள் வாழ்த்துக்கள்!

அன்பு சகோதரிகளுக்கு பிறந்த வீட்டு பொங்கல் சீதனம்!

2009-01-13T18:12:00.007+08:00

தைப்பொங்கலுக்கு ஒரு மாதம் முன்பிலிருந்தே எல்லோரும் அக்கா தங்கைங்களுக்கு சீர் எல்லாம் கொடுத்து சந்தோஷமா பொங்கலை கொண்டாட போறாங்க. வலையுலக சகோதரிகளுக்கு எல்லாம் அவங்கவங்க பிறந்த வீட்டில் இருந்து சீர் வந்து இருக்கும். கூடப்பிறக்கவில்லை என்றாலும் அவங்களும் நம்முடைய சகோதரிகள் தானே...அவங்களுக்காக என்னோட சீர் இங்க இருக்குங்க. எல்லோரும் எடுத்துக்குங்க.

பட்டாம் பூச்சி விருதுகள்!

2009-01-12T19:22:00.003+08:00

எங்கள் கிராமத்தில் காடு மேடு எல்லாம் அலைந்து திரிந்து பட்டாம் பூச்சிகளை பிடித்து விளையாடிய சந்தோஷமான தருணங்களின் நினைவுகளை மீண்டும் நினைக்க வைத்து எனக்கு பட்டாம்பூச்சி விருது கொடுத்த வாடிய பயிர்களை கண்டபோது போது எல்லாம் வாடிய அத்திவெட்டி எழுச்சி நாயகன் ஜோதி பாரதி அவர்களுக்கு நன்றி.

நெஞ்சு பொறுக்குதில்லையே இந்த நிலைகெட்ட ________ வியாதிகளை கண்டால் என்று தனது உள்ளக்குமுறல்களை அத்திவெட்டி அலசலில் கொட்டிவந்தாலும் ஜோதிபாரதிக்கு பெருமை சேர்ப்பது ஈரமும் வீரமும் செறிந்த இவரது கவிதைகள் தான். தொடர்ந்து நிறைய கவிதைகள் படைத்திட வேண்டுகிறேன்.

பட்டாம் பூச்சியை என்ன தான் நாம் ஓடியாடி பிடித்து கைகளில் வைத்து அழகு பார்த்து ரசித்திருந்தாலும் புகைப்பட கலைஞர்களின் கண்ணோட்டத்தில் பார்க்கும் போது அது வேறுபட்ட ரசனையை நமக்கு தரும். நான் இந்த விருதுகளை வழங்கப்போவது புகைப்பட க(வி)லைஞர்களுக்கு தான்.

ஜீவ்ஸ்:
இவரை பற்றிய அறிமுகமே தேவை இல்லை. இருந்தாலும் சில வரிகள். ஒரு காலத்தில் ஜோல்னா பையை மாட்டிக்கொண்டு மரத்தடியில் மாங்கு மாங்கென்று எழுதியவர் இன்று புகைப்பட கருவியை மாட்டிக்கொண்டு அழகழகான படங்களாய் எடுத்து வருகிறார்.

இராம்:
சின்னத்தல என்று செல்லமாக அழைக்கப்படும் வருத்தப்படாத வாலிபர். தனக்கென்று தனி பாணியில் புகைப்படங்கள் எடுத்து வருபவர். மிக அழகிய அபூர்வ பறவைகள் இவரின் பார்வையிலிருந்து தப்புவது கடினமே.

ஜெகதீசன்:
வளரும் புகைப்பட கலைஞர். கைத்தொலைபேசியில் மட்டுமே படமெடுத்து வந்தவர் புகைப்பட கலையின் மீது ஏற்பட்ட அதீத காதலால் அதிநவீன புகைப்படக்கருவிக்கு சொந்தக்காரராகி உள்ளார். எதிர் காலத்தில் இவரது படங்கள் பல விருதுகளை குவிக்கலாம்.

தொடர் விதிமுறைகளின்படி இவர்களும்,

1) பட்டாம் பூச்சியை தங்கள் வலைப்பதிவில் இணைக்கவேண்டும்.

2) தங்களுக்கு விருது தந்த அந்த நல்லவர்(களி)ன் முகவரியை இணைக்க வேண்டும்.

3) மூன்று பதிவர்களை விருதுக்கு தேர்ந்தெடுத்து முன்மொழிய வேண்டும்.

4) அவர்களுக்கு தங்கள் பதிவில் இணைப்பு கொடுக்கப்படவேண்டும்.

5) அவர்களின் பதிவுகளில் விருதுபெற்ற செய்தியை தெரிவிக்க வேண்டும்.

பட்டாம் பூச்சி தொடர்ந்து சிறகடித்து பறக்கட்டும்.

விடுகதையா வாழ்க்கை?...விடை சொல்லுவார் யாரோ?...பாகம் 5...விடைகள்!

2009-01-10T20:43:00.001+08:00

விடுகதையா வாழ்க்கை?....விடை சொல்வார் யாரோ?...பாகம் 5!

2009-01-09T23:25:00.003+08:00

இனிய பிறந்தநாள் வாழ்த்துக்கள் ஆயில்யன்!

2009-01-05T05:34:00.000+08:00

அன்பு நண்பன்
ஆயில்யனுக்கு இனிய பிறந்தநாள் வாழ்த்துக்கள்!

Get this widget

Track details

eSnips Social DNA

நண்பனே எனது உயிர் நண்பனே
நீண்ட நாள் உறவிது
இன்று போல் என்றுமே தொடர்வது

(நண்பனே...)

ஒரு கிளையில் ஊஞ்சல் ஆடும்
இருமலர்கள் நீயும் நானும்
பிரியாமல் நாம் உறவாடலாம்
ஒரு விழியில் காயம் என்றால்
மறு விழியும் கண்ணீர் சிந்தும்
உனக்காக நான் எனக்காக நீ
இரண்டு கைகள் இணைந்து வழங்கும்
இனிய ஓசை
இன்றும் என்றும் கேட்கவேண்டும்
எனது ஆசை...ஹே...ஹேய்

(நண்பனே...)

யாரும் உன்னை சொந்தம் கொண்டால்
இடையில் வந்த உரிமை என்றால்
அதற்காக நான் வழக்காடுவேன்
யாரும் உன்னை திருடி செல்ல
பார்த்து நிற்கும் தோழன் அல்ல
உனக்காக நான் காவல் நிற்பேன்
எனது மனமும் எனது நினைவும்
உனது வசமே
நமக்கு ஏது பிரித்துப்பார்க்க
இரண்டு மனமே...ஹே..ஹேய்....

(நண்பனே)

புது வருடம்...புதிய இடம்....புதிய மனிதர்கள்!

2008-12-31T08:50:00.008+08:00

புது வருடத்தின் ஆரம்பமே மாற்றங்களுடன் ஆரம்பிக்கின்றது. நீண்ட நாட்களாக வசித்துவந்த பகுதி. அக்கம் பக்கத்தில் நிறைய பழகிய மனிதர்கள். வேலையிடத்துக்கு மிக அருகிலேயே வீடு. இவற்றை எல்லாம் பிரிந்து நாளை முதல் வேறொரு பகுதிக்கு வீடு மாறுகிறோம்.

கடந்த ஒருவாரமாக புது வீட்டிற்கு பொருட்களை கொண்டு செல்வதும் வருவதுமாக இருந்ததில் அருகில் வசிக்கும் ஒருசில முகங்களில் லேசான புன்னகைக்கீற்று தென்பட ஆரம்பித்திருக்கின்றது. கீழ் வீட்டில் பார்ப்பதற்கு புசு புசுவென்று வெள்ளைக்கலரில் முயல் குட்டி போன்று இருக்கும் பூனைக்குட்டி என்னையே சுற்றி வருகின்றது. இரண்டாவது தளத்திலேயே வீடு இருப்பதால் லிப்ட் பயன்படுத்துவது இல்லை. ஓவ்வொரு முறை படியேறி செல்லும் போதும் கூடவே வருகின்றது. மனிதர்களிடம் பழகுவதை விட விலங்குகளிடம் பழகுவது மிக எளிதாகவே இருக்கின்றது.

விலகிச் செல்லும் 2008 என்னைப்பொறுத்த வரையில் நல்ல ஆண்டாகவே விடைபெறுகிறது. நான் பதிவுலகுக்கு அறிமுகமானது இந்த ஆண்டில் தான். எனது பதிவுகள் எல்லாம் மொக்கையாக இருந்தாலும் வலைப்பூக்களின் வழியே நிறைய புதிய நல்ல நண்பர்களை எனக்கு அறிமுகப்படுத்திய ஆண்டு.

உலகளாவிய பொருளியல் மந்தத்தோடு பிறக்கும் புது வருடம் எப்படி இருக்கும் என்று கணிக்க இயலாத நிலையில் இருக்கிறது. உலகெங்கும் கதவடைப்புகளும் ஆட்குறைப்பும் தொடர்ந்து கொண்டிருக்கிறது. புது வருடத்தில் பொருளியல் வீழ்ச்சியில் இருந்து மீள ஒரு சேர பிரார்த்திப்போம்!

அனைவருக்கும் இனிய புத்தாண்டு வாழ்த்துக்கள்.

''ஆசை வெட்கம் அறியும்'' - விகடன் கவனிக்குமா?

2008-12-30T14:34:00.005+08:00

பகிரங்க கடித சீசன் திரும்பவும் ஆரம்பிச்சி இருக்கிறதால நாமும் கடிதமாக இல்லாவிட்டாலும் ஒரு பதிவாக எழுதிடலாம்னு களத்தில் இறங்கியாச்சு. நம்ம வால் அண்ணன் பாணியில் என்னோட இலக்கும் ஆனந்த விகடன் தான்.

விஷயம் ரொம்ப சாதாரணமானது தாங்க. விகடன் பொக்கிஷம்னு வாரவாரம் பழைய விகடன் பாணியில் ஒரு புத்தகம் வெளிவந்து கொண்டிருக்கிறது. அதில் ஜூலை மாதம் முதல் "ஆசை வெட்கம் அறியும்'' ன்னு மணியன் எழுதிய தொடர் வெளிவருகிறது. தொடர்ந்து வந்து கொண்டிருந்த தொடர் தீபாவளி சமயத்தில் ஒரு வாரம் காணாம போய்டுச்சி. சரி தீபாவளி செய்திகள் நிறைய இருக்கிறதால விட்டுட்டாங்க போலன்னு நினைச்சேன்.

அடுத்தடுத்த வாரங்களில் திரும்பவும் தொடர்ந்து அந்த தொடர் வெளிவந்தது. இப்ப திரும்பவும் இந்த வார விகடனில் காணாம போய்டுச்சி. விகடன் இப்படி கண்ணாமூச்சி காட்டுறதுக்கு காரணம் 'ஆசை வெட்கம் மட்டுமல்ல கண்ணாமூச்சியும் அறியும்' என்பதாலா?

தொடர் வெளிவந்த முதல் இதழ்!

தொடருடன் வெளிவந்த போனவார இதழ்!

தொடர் வெளிவராத இந்த வார இதழ்!

கையெழுத்து - ஒரு பொக்கிஷம்!

2008-12-25T12:15:00.001+08:00

இங்க க்ளிக் பண்ணி பெருசாக்கி படிங்க..!

உங்கள் பதிவு திருடு போகாமல் இருக்க ஒரு எளிய வழி..!!!

2008-12-21T21:54:00.002+08:00

டேய்...மாப்ள அடங்கவே மாட்டியாடா நீ?

2008-12-07T13:09:00.002+08:00

சின்ன குழந்தைங்க கூட இப்ப நல்லாவே சைக்கிள் ஓட்டுறாங்க. ஆனா நான் சைக்கிள் கத்துக்க ஆரம்பிச்சப்போ ஆறாம் கிளாஸ் தாண்டி ஏழாம் கிளாஸ்ல அடி எடுத்து வச்சிருந்தேன். அப்போதைக்கு நான் இருந்த உயரத்துக்கு நேரா சீட்ல உக்காந்தே ஓட்டி இருக்கலாம். ஆனாலும் பயம் யாரை விட்டுச்சு. அதனால குரங்கு பெடல் தான். அதுக்கே உடம்பு பூரா ஏகப்பட்ட அடி.

அடிமேல அடி வாங்கினாலும் விடாம பழகியதில் குரங்கு பெடலில் இருந்து கம்பிக்கு தாவி இருந்தேன். கம்பியில் நின்னுகிட்டே தான் ஓட்டுவேன். சீட்டில் உக்கார ரொம்ப பயம். இப்படியே கொஞ்ச நாள் ஓடிச்சு. அப்ப தான் எங்க தாத்தா பழைய சைக்கிளை வித்துட்டு புது சைக்கிள் வாங்கினார். புது சைக்கிளை எங்கயாவது கொண்டுபோய் போட்டு உடைத்து விடுவேன்னு என்னை தொடவே விடுறதில்லை.

எங்க தாத்தா வெளியூர் போயிருந்த சமயத்தில் எங்க பாட்டி கிட்ட கெஞ்சி சாவி வாங்கி புது சைக்கிளை எடுத்துகிட்டு கிளம்பினேன். அப்ப எங்க பாட்டி சரி நீ ஊரு சுத்தாம முதலில் எனக்கு கொஞ்சம் உளுந்தும் பெருங்காயமும் கடைத்தெரு வரைக்கும் போய் வாங்கிட்டு வந்துடுன்னு சொன்னாங்க. சொன்ன அடுத்த நிமிடமே சைக்கிளில் பறந்துகிட்டு இருந்தேன். புது சைக்கிள்ங்கிறதால செம வேகம். ஒரு திருப்பத்தில் சைக்கிளை திருப்புறதுக்கு பதிலா நேரா கொண்டுபோய் பாதி வெட்டு பட்டு கிடந்த மரத்துல விட்டுட்டேன்.

விழுந்தது மட்டும் தான் தெரியும். கண் முழிச்சி பார்த்தா ஹாஸ்பிட்டலில் அட்மிட் ஆகி இருக்கேன். காலில் உயிர் போற வலி. காலை அசைக்கவே முடியலை. முழங்காலுக்கும் தொடைக்கும் நடுவில் உள்ளங்கை அளவுக்கு சதையை உடைந்த மரக்கிளை குத்தி கிழிச்சி எடுத்திடுச்சாம். எக்கச்சக்க தையல். இரண்டு வாரம் ஹாஸ்பிட்டலில் தான் இருந்தேன். அப்ப என்ன பார்க்கிறதுக்கு எங்க மாமா வந்தார்.

எப்படி நடந்துச்சுன்னு பாட்டிகிட்ட விசாரிச்சிட்டு ஒரு கமெண்ட் அடிச்சார். அதை என்னைக்குமே மறக்க முடியாதுங்க. என்ன கமெண்ட்ன்னு தானே கேக்குறீங்க. இவ்ளோ சொன்ன நான் அதை சொல்லாம போவேனா..அது வேற ஒன்னும் இல்லைங்க. டேய்...மாப்ள அடங்கவே மாட்டியாடா நீ...எதை சொன்னாலும் ஏட்டிக்கு போட்டியா தான் செய்வேன்னு தெரியும்..அதுக்காகத்தான் உளுந்து பெருங்காயம் வாங்கிட்டு வரச்சொன்னதுக்கு விழுந்து பெருங்காயம் வாங்கிட்டு வந்தியாக்கும்ன்னு கேட்டாருங்க

தெரிந்தும்....தெரியாமல்....!

2008-12-06T15:35:00.003+08:00

முதன் முதலாய் நடக்கிற நிகழ்வுகள் என்றும் எண்ணத்திரைகளில் இருந்து கொண்டே தான் இருக்கும்....அப்படி ஒரு நிகழ்வு தான் நான் எட்டாம் வகுப்பு படிக்கும் போது எடுத்துக்கொண்ட புகைப்படம். பள்ளிப்பருவத்தில் நான் எடுத்துக்கொண்ட ஒரே புகைப்படம்னு சொல்லலாம். எல்லோரும் சேர்ந்து புகைப்படம் எடுக்கலாம்னு சொல்லி தேதியும் குறித்த நாளில் வந்தது 12 பேர் மட்டுமே. அதிலும் பெண்கள் யாரும் வரவே இல்லை. அப்படி எடுத்த படமும் எப்படியோ காணாம போய்டுச்சி.

இந்தமுறை இந்தியா சென்றிருந்த போது நிஷா புயல் படுத்தி எடுத்ததில் ஒருவார காலம் எங்கும் செல்ல முடியாமல் வீட்டிலேயே அடைபட்டு கிடக்கவேண்டிய சூழ்நிலை. சும்மா இருந்த நேரத்தில் பழைய குப்பைகளை எல்லாம் கிளறியதில் காணாமல் போன புகைப்படம் கிடைத்தது. சந்தோஷத்தோடு கொஞ்சம் வருத்தமும் சேர்ந்தே இருந்தது.

புகைப்படம் எடுக்கும் அன்று வராதவங்க யாருடைய பேரும் இன்று நினைவில் இல்லை. ஆனால் படத்தில் உள்ள எல்லோருடைய பேரும் இன்றும் நினைவில் இருக்கிறது. பெயர்கள் மட்டுமே தெரிகின்றது ஆனால் அவர்கள் எல்லோரும் எங்கு எப்படி இருக்கின்றார்கள் என்று தெரியாமலே.

என்னைய மாதிரி இந்த புகைப்படத்தில் உள்ளவங்களும் மொக்கை பதிவராகவோ அல்லது நம்ம ஆயில் அண்ணாச்சி மாதிரி கேரளத்து பைங்கிளி ஆயில்யாவின் அகில உலக ரசிகர் மன்ற தலைவராகவோ இருக்கலாம்....இல்லைன்னா தமிழ்பிரியன் மாதிரி தொழில்நுட்ப புலியா கூட இருக்கலாம்...அப்படி யாரும் இருந்தா பின்னூட்டத்துல சொல்லிட்டு போங்க..!!

இந்த புகைப்படத்தில் என்னை சரியாக அடையாளம் காட்டுபவர்களில் ஒருவரை குலுக்கல் முறையில் தேர்ந்தெடுத்து நம்ம ஜீவ்ஸ் அண்ணாச்சி அவரோட Nikon D80 கேமராவை அன்பளிப்பா கொடுக்கிறதா சொல்லி இருக்கார்....யார் அந்த அதிர்ஷ்டசாலியோ?

மிக பிடித்த தொடர் பதிவு...!

2008-10-22T19:08:00.003+08:00

தொடர் பதிவிற்கு நான் அழைக்கப்படும் போதெல்லாம் என்ன எழுதுவது என்று தெரியாமல் ஏதோ பேருக்கு எழுதி வந்திருக்கிறேன்....இந்த தொடர் பதிவு மிக பிடித்ததற்கு காரணம் எதுவும் எழுத தேவை இல்லாதது தான். Desktop Screenshot எடுத்து போடவேண்டும். அவ்வளவே. இத்தொடர் பதிவிற்கு அழைத்த தமிழ் பிரியன் மற்றும் தம்பி சரவணகுமார் MSK இருவருக்கும் நன்றி.

Desktop-ல் உள்ள போட்டோ நான் எடுத்தது தான். நல்லா இல்லைன்னா திட்டாதீங்க.

இனிய பிறந்தநாள் வாழ்த்துக்கள் அம்மு...!!

2008-10-14T05:00:00.001+08:00

செல்லத்தங்கை அம்முவிற்கு இனிய பிறந்தநாள் வாழ்த்துக்கள். எனக்கு மிக பிடித்த பாடல் அம்முவிற்காக...!

Get this widget

Track details

eSnips Social DNA

புனைவு....வட்டப்புனைவு...!!

2008-10-09T19:35:00.003+08:00

புனைவு எழுதனும்னு ரொம்ப நாளா ஆசை.....நல்லா இருக்கா???

எப்படி இருந்த நான்....இப்படி ஆகிட்டேனே....:!!

2008-10-05T20:12:00.001+08:00

விடுகதையா வாழ்க்கை???....விடை சொல்லுவார் யாரோ????.....பாகம் மூன்று.

2008-10-01T18:21:00.007+08:00

1.முதல் மூன்றால் சங்கடத்தில் சிக்கினார் ஒரு நடிகை.
கடை மூன்றால் நட்சத்திர வெளிச்சம்.
நடுவெழுத்தில் வாசமுண்டு.
மொத்தத்தில் நல்ல புத்தி.

2.முதல் இரண்டை இழந்தால் ஒளி இல்லை.
கடை இரண்டை ஐந்தறிவு ஜீவனுக்கு கட்டுவது யார்?
இரண்டும் மூன்றும் திரும்பினால் கடைசியில் நாமும் அதுவே.
முதலும் கடையும் சேர்ந்தால் கை இழந்த பெண்.
மொத்தத்தில் அழகிய பெயராகவும் இருக்கும் நான் யார்?

3.முதல் இரண்டு பொது இடங்களில் தடை.
இரண்டு யாவர்க்கும் இரண்டு.
இரண்டு நீங்கின் சற்றே ஓசை மாறிய மொருமொரு தின்பண்டம். சிறுவர்களுக்கு மிக பிடிக்கும்.
மொத்தத்தில் நினைவுகளாய் இருக்கும் இது என்ன?

4.முதலோடு கடை சேர்ந்தால் மேல் பகுதி.
முதலோடு மூன்றை சேர்த்தால் செல்வம். இச்செல்வம் கொண்டு கடை மூன்றை ஓட்டவும் செய்யலாம்.
முதலோடு நான்கும் மூன்றும் சேரின் நாவில் எச்சில் ஊறும் பிஞ்சு காய்.
மொத்தத்தில் இது இல்லாத கிராமம் இல்லை. அது என்ன?

5.ஐந்தில் நான்காவது நீங்கின் புதியது.
முதல் மூன்றோடு மதம் சேரின் மற்றுமொரு மதம்.
மூன்றும் நான்கும் பொருள் தராது. இரண்டும் இரட்டை கிளவியானால் மின்னும் ஜொலிஜொலிப்பு.
மொத்தத்தில் குழந்தைகளின் இன்றைய சுமை. அது என்ன?

க்ளிக்...க்ளிக்...க்ளிக்...!!

2008-09-29T18:40:00.004+08:00

தினமும் பஸ்ஸில் கம்பெனிக்கு போறோமே ஒரு நாளாவது நடந்து போகலாம்னு காலைல எழுந்து நடக்க ஆரம்பிச்சப்போ சும்மா கிளிக்கியது....!

நல்லா இருக்கான்னு சொல்லிட்டு போங்க....!

விடுகதையா வாழ்க்கை?.......விடை சொல்கிறேன் நானே....!!

2008-09-25T17:33:00.003+08:00

பட்டுத் துணி

1.மொத்தத்தில் இரண்டு வார்த்தை
மொத்தமாய் அழகணி
முதலெழுத்தோடு கடை சேர வல்லின மார்கழிக்குளுமை - பணி(பனி)
முதலும் நான்கைந்தும் இருகைகளில் - பத்து
கடைசி வார்த்தையில் மானம் உண்டு - துணி
முதல் வார்த்தையின் மென்மைக்காக - பட்டு
இறந்தன பூச்சிகள் காஞ்சியில்.
நான் யார்?

புள்ளிமயில்

2.முதலும் கடையும் சேர்ந்தால் விநாயக விருப்பம் - புல்
முதலோடு கடையிரண்டு சேர்ந்தால் ஓசை மாறிய பெருங்காற்று - புயில்(புயல்)
முதலோடு மூன்று சேர அறுசுவைக்குள் ஒன்று - புளி(புளிப்பு)
இரண்டு வார்த்தையாக்கினால்
முதல் வார்த்தையில் முக்கியமானவர் - புள்ளி
இரண்டாம் வார்த்தை பாம்பெதிரி - மயில்
மொத்தத்தில் அழகுப் பறவை
நான் யார்?

மருதமலை

3.முதலோடு கடை சேரினும் - மலை
அன்றில் கடையிரண்டும் - மலை
குன்றின் அடுத்த வடிவம்
முதல் நான்கின் கடையில் புள்ளியிழந்த நிலவகை - மருதம(மருதம்)
நடுவோடு கடை சேர கழுத்துக்கு மேல் போகும் - தலை
மொத்தத்தில் முருகனிடம் சரணடைவோம்!

விளாங்காய்

4.கடையிரண்டால் குழந்தை வெறுப்பு - காய்
சிலதை திங்கலாம்
முதலிரண்டு ஓசை மாறிய திருவிழா - விளா(விழா)
மொத்தமாய் புரியாமல் இருக்கும் நான்யார்?

குப்பைமேடு

5.முதலோடுகடை சேர்ந்தால் "தா" - குடு
கடை இரண்டால் ஏற்றம் - மேடு
நடுவிலே பலவும் திணிக்கலாம் - பை
மொத்தத்தில் கோழிக்கு பிடித்த இடம்
அது என்ன?

பல்வலி

6.இது வந்தால் பேச்சுக் குறையும்
முதலிரண்டின் தூய்மை முக்கியம் - பல்
கடையிரண்டால் அழுகை வரும் - வலி
முதலும் கடையும் சேர்ந்தால் ஆடு கோழிக்கு ஆபத்து - பலி
முதலெழுத்தில் கால் சேர்த்து அடுத்ததோடு சேர்த்தால் தேநீர்க்கு உதவும் - பால்
அது என்ன?

விடுகதையா வாழ்க்கை? விடை சொல்லுவார் யாரோ??....2

2008-09-22T19:44:00.005+08:00

1.மொத்தத்தில் இரண்டு வார்த்தை
மொத்தமாய் அழகணி
முதலெழுத்தோடு கடை சேர வல்லின மார்கழிக்குளுமை
முதலும் நான்கைந்தும் இருகைகளில்
கடைசி வார்த்தையில் மானம் உண்டு
முதல் வார்த்தையின் மென்மைக்காக
இறந்தன பூச்சிகள் காஞ்சியில்.
நான் யார்?

2.முதலும் கடையும் சேர்ந்தால் விநாயக விருப்பம்
முதலோடு கடையிரண்டு சேர்ந்தால் ஓசை மாறிய பெருங்காற்று
முதலோடு மூன்று சேர அறுசுவைக்குள் ஒன்று
இரண்டு வார்த்தையாக்கினால்
முதல் வார்த்தையில் முக்கியமானவர்
இரண்டாம் வார்த்தை பாம்பெதிரி
மொத்தத்தில் அழகுப் பறவை
நான் யார்?

3.முதலோடு கடை சேரினும்
அன்றில் கடையிரண்டும்
குன்றின் அடுத்த வடிவம்
முதல் நான்கின் கடையில் புள்ளியிழந்த நிலவகை
நடுவோடு கடை சேர கழுத்துக்கு மேல் போகும்
மொத்தத்தில் முருகனிடம் சரணடைவோம்!

4.கடையிரண்டால் குழந்தை வெறுப்பு
சிலதை திங்கலாம்
முதலிரண்டு ஓசை மாறிய திருவிழா
மொத்தமாய் புரியாமல் இருக்கும் நான்யார்?

5.முதலோடுகடை சேர்ந்தால் "தா"
கடை இரண்டால் ஏற்றம்
நடுவிலே பலவும் திணிக்கலாம்
மொத்தத்தில் கோழிக்கு பிடித்த இடம்
அது என்ன?

6.இது வந்தால் பேச்சுக் குறையும்
முதலிரண்டின் தூய்மை முக்கியம்
கடையிரண்டால் அழுகை வரும்
முதலும் கடையும் சேர்ந்தால் ஆடு கோழிக்கு ஆபத்து
முதலெழுத்தில் கால் சேர்த்து அடுத்ததோடு சேர்த்தால் தேநீர்க்கு உதவும்.
அது என்ன?

சூடான இடுகை...!

2008-09-21T20:28:00.003+08:00

திட்டாதீங்க ...கீழ ஒரு சூடான இடுகை இருக்கு...பார்த்துட்டு போங்க...!

என்ன கொடும சுப்பையா சார் இது..?!!!?

சரியான முசுடு..!!

2008-09-21T19:36:00.008+08:00

இங்க கூட கிளிக் பண்ணி பார்க்கலாம்..!

டிஸ்கி:ஞாயிற்று கிழமையா இருக்கே ஊர் சுத்தி பார்க்கலாம்னு ஒரு தீவுக்கு போனோம்...ஒரு மரத்தடில உட்கார்ந்து பேசிட்டு இருக்கும் போது ஒரு முசுடு என்னோட காலை நல்லா பதம் பார்த்துடுச்சி...இன்னமும் அதோட பாதிப்பு குறையல....சரி ஞாபகமா இருக்கட்டுமேன்னு படம் பிடிச்சிட்டு வந்தேன்....நம்ம ப்ளாக் சும்மா தானே இருக்குன்னு இங்க போட்டுட்டேன்...அவ்ளோ தாங்க!

சென்ஷி க்கு பேரு வச்சிட்டோம்ல...!

2008-09-20T11:28:00.002+08:00

சென்ஷி: அண்ணே எனக்காக ஒரு பதிவு போடு...கை பரபரங்குது....கும்மி அடிக்கணும் அண்ணே...!

நான்: யோவ் பேரு தெரியாத ஆளுங்களுக்காக எல்லாம் நான் பதிவு போட முடியாது...!

சென்ஷி: என்னோட பேரு சென்ஷி தான் அண்ணே...என்னை நம்பு...!

நான்: இந்த கதை எல்லாம் வேண்டாம்....உன்னோட உண்மையான பேரை சொல்லு...!

சென்ஷி: சரி..சரி...லூசுல விடு அண்ணே...இதெல்லாம் ஒரு பெரிய மேட்டரா?....பேசாம நீயே எனக்கு ஒரு நல்ல பேரா வச்சிடு அண்ணே...!

என்ன பார்க்குறீங்க நேத்து எனக்கும் சென்ஷிக்கும் நடந்த உரையாடல் தாங்க....தம்பி ஆசையை நிறைவேத்தலைன்னா நல்லா இருக்குமா?

இல்லாத மூளையை இருக்கிறதா நினைச்சி யோசிச்சதில் எனக்கு தோணின பேரு இது தாங்க...!

பின்நவீனத்துவன்.

பேரு நல்லா இருக்கான்னு சொல்லுங்க....சென்ஷி ஊருக்கும் போகும் போது கெஜட் ல மாத்திடுறேன்னு சொல்லி இருக்கான்....!

இனிய திருமண நாள் வாழ்த்துக்கள் ஜீவ்ஸ்!

2008-09-15T05:37:00.002+08:00

'ப்ரொபொஷனல் கொரியர்'என்று அன்போடு அழைக்கப்படும் 'வெண்பா வாத்தியார்' ஜீவ்ஸ்க்கும் அப்பாவி தங்கை வாயில்லா பூச்சி அருணாவுக்கும் இன்று திருமண நாள். இருவரும் இன்று போல் என்றும் அன்போடும் மகிழ்வோடும் வாழ அன்பான வாழ்த்துக்கள்!

TO ஜெய ஸ்ரீ செல்லம்: செல்லம் உன்னோட பீலிங்க்ஸ் புரியுதுடா. நீ மட்டும் அப்பா அம்மா திருமண நாளை கொண்டாடுறதை விட ஒரு தம்பி பாப்பா கூட கொண்டாடினா நல்லா இருக்கும்ன்னு நினைக்கிற தானே?

அன்பின் சிகரம் சிபி அண்ணா அவர்களுக்கு...!

2008-09-12T17:02:00.003+08:00

நாமக்கல் சிபி அண்ணா,

வணக்கம். நலமா இருக்கீங்களா? உங்க தங்க மனசுக்கு நீங்க எப்பவும் நல்லா இருப்பீங்கன்னு தெரியும். இருந்தாலும் கடிதம் எழுதினா சம்பிரதாயத்துக்கு நலமான்னு கேட்டு வைக்கணும்ன்னு சொல்லி இருக்கிறதால தான் கேட்டேன்.

நிற்க.(இந்த நிற்க குசும்பனுக்கு. அவரு தான் கடிதத்தில் நிற்க பார்த்தாலே நிப்பாட்டாம கும்மி அடிக்கிறாரு)

சரி விஷயத்துக்கு வருகிறேன். எல்லோரும் அவங்க அவங்க பிறந்தநாள் திருமண நாள் எல்லாம் கொண்டாடவே நேரம் இல்லாம அவசர கதியான உலகத்தில் எதுக்கோ ஓடிட்டு இருக்காங்க. ஆனா நீங்க நம்ம வெண்பா வாத்தியார் திருமண நாளை உங்க வீட்டில் தான் கொண்டாடணும்னு ரொம்ப ஆசைப்பட்டீங்க. உங்க ஆசையை அவரிடம் நீங்க தெரிவிச்சப்போ அவரு கண்டுக்கவே இல்லை. ஆனாலும் விடாப்பிடியா நீங்க இரண்டு மாசத்துக்கு முன்பு பெங்களூரு போய் நேரிலேயே அழைச்சீங்க. அதுக்கு அந்த ப்ரொபொஷனல் கொரியர் சொன்ன பதிலை கேட்டு நீங்க கொஞ்சம் வருத்தப்பட்டீங்க.

தம்பதி சமேதரா வந்து அழைத்தா தான் வருவேன்னு சொன்னாராமே. இது கொஞ்சம் ஓவர் தான் அண்ணா. ஆனா நீங்க ரொம்ப நல்லவர். அதான் அவர் சொன்னதை பெரிசா எடுத்துக்காம ஊருக்கு திரும்புன நீங்க அடுத்த மாதமே அண்ணியுடன் பெங்களூரு போய் அவர் வீட்டில் ரெண்டு நாள் தங்கியிருந்து கண்டிப்பா உங்க திருமண நாளை சென்னைல என்னோட வீட்டில் வந்து கொண்டாடணும்னு கேட்டுகிட்டீங்க. அப்ப கூட அவரு உங்களுக்கு இன்னொரு ஆப்பு வச்சாராமே.

சென்னைக்கு அவரு குடும்பத்தோடு வந்து போக ஏசி கோச் ல டிக்கெட் புக் பண்ணி கேட்டாராமே? என்ன கொடுமை அண்ணா இது? ஆனாலும் நீங்க பெரிய மனுஷன்னு நிருபிச்சிட்டீங்க. அவர் கேட்ட மாதிரியே டிக்கெட் புக் பண்ணி அனுப்பிச்சிட்டீங்களாமே? இன்னைக்கு நைட் ஜீவ்ஸ் அண்ணாச்சி குடும்பத்தோட கிளம்பி உங்க வீட்டுக்கு வர்றாராமே?

சிபி அண்ணா கொண்டாட்ட ஏற்பாடுகள் எல்லாம் எப்படி போயிட்டு இருக்கு? உங்க வீட்டுக்கு வந்தப்புறம் ஜீவ்ஸ் இன்னும் என்னென்ன கேக்க போறாரோ தெரியல. ஆனா ஒண்ணு மட்டும் சொல்லறேன் அண்ணா. தயவு செஞ்சி அவர் கூட வெளில எங்கயும் போகாதீங்க. அவரு கேமராவ கைல எடுத்துட்டா அப்புறம் எங்க போக கிளம்பினோம்ன்னே மறந்துடுவார். நேரம் மட்டும் ஆகுமே தவிர வீட்டைவிட்டு அடுத்த தெரு கூட போயிருக்க மாட்டீங்க. அதுக்குள்ள அதை படம் பிடிக்கணும் இதை படம் பிடிக்கணும்னு அடம் பிடிச்சி தெருவெல்லாம் விழுந்து புரண்டு ஒரு வழி ஆகி இருப்பார்.நீங்க பேசாம குட்டி தேவதை ஜெய ஸ்ரீ செல்லத்தை கொஞ்சி விளையாடுங்க. அவ அவங்க அப்பா மாதிரி அடம் எல்லாம் பிடிக்க மாட்ட. சொன்ன பேச்சை கேப்பா.

சரி அண்ணா...இப்போ முக்கியமான விஷயத்துக்கு வர்றேன்.நீங்க ஜீவ்ஸ் அண்ணாச்சியை மட்டும் தான் கூப்பிடுவீங்களா? எங்களை எல்லாம் கூப்பிட மாட்டீங்களா? பதில் சொல்லுங்க அண்ணா.

உங்கள் பதிலை ஆவலுடன் எதிர் பார்க்கும்
அன்புத்தம்பி.

மின்வெட்டை கண்டுபிடித்தது யார்?

2008-09-10T20:32:00.003+08:00

நன்றி - தினமணி.

கிகிகி...!

2008-09-08T20:08:00.000+08:00

கிகிகி....சும்மா ஒரு தடவை சொல்லிப்பார்த்தேன்..வேற ஒன்றும் இல்லைங்க!

டிஸ்கி:தூயாவின் பின்னூட்டங்களில் இருக்கும் கிகிகி க்கும் இந்த பதிவிற்கும் எந்த தொடர்பும் இல்லை என்பதை தெரிவித்துக்கொள்கிறேன்!

இனிய பிறந்த நாள் வாழ்த்துக்கள் - பொடியன்!

2008-09-07T11:12:00.003+08:00

அன்பு நண்பன் சஞ்சய்க்கு இனிய பிறந்த நாள் வாழ்த்துக்கள்!

விடுகதையா வாழ்க்கை? விடை சொல்லுவார் யாரோ??

2008-09-05T18:00:00.004+08:00

1.முதலின்றி அழகி
நடுவின்றி அரை
கடையின்றி வெறுஞ்சொல்
கவிதை சொன்ன இவர் யார்?

2.முதலின்றி போதை
நடுவின்றி வெடிக்கும்
கடையின்றி வெறுஞ்சொல்
மொத்தமான இந்தச்சுமை என்ன?

3.முதலிழந்தால் ஓடும்
முதலிரண்டு இன்றி தீம்புகை
இரண்டோடு கடை சேரின் போதையாம்
நான்கில் நளினம் காட்டும் இது என்ன?

4.நடுவழிய ஓய்வுக்காம்
கடையிரண்டில் ஏதுமில்லை சொல்
மூன்றெழுத்தில் உடுத்தலாம்
மொத்தத்தில் பெண்கள் விருப்பம்
அது என்ன?

5.கடை மூன்றில் தண்நிழலும்
கடையிரண்டால் போதை வரும்
முதலிரண்டு ஓய்விற்க்காகும்
முதலோடு கடை சேரின் வெடிக்கும்
முதலோடு கடையிரண்டு சுமையாம்
மொத்தமாய் என்னவென்று சொல்லுங்க?

எப்படி கண்டுபிடிக்கிறதுன்னு தெரியாதவங்களுக்காக சின்னதா ஒரு எடுத்துக்காட்டு கொடுத்திருக்கேன்....பார்த்துக்குங்க!

கடையெழுத்து மாறிடில் தின்னலாம்
முதலும் கடையும் சேர்ந்தால் குளிரும்
மொத்தத்தில் முருகன் இடம்
தெரிந்தவர் சொல்லுங்கள் இங்கே?

பழம்
பனி
பழனி

பதில் தெரிஞ்சவங்க சொல்லுங்க....தெரியாதவங்க வரும் திங்கள் கிழமை வரை காத்திருங்க....வேற வழி இல்லை!!!

சீனா தம்பதியர்களுக்கு இனிய திருமண நாள் வாழ்த்துக்கள்!

2008-09-02T21:07:00.002+08:00

இன்று தங்களது திருமண நாளை சுற்றம் மற்றும் நண்பர்களுடன் மகிழ்வுடன் விமரிசையாக கொண்டாடிக்கொண்டிருக்கும் சீனா தம்பதியர்களுக்கு இனிய திருமண நாள் வாழ்த்துக்கள்.

14 வருட தேடல்!

2008-08-30T12:04:00.002+08:00

சங்கர்.

நான் முதன் முதலில் காலேஜ் ஹாஸ்டலில் சேர்ந்த போது பழக்கமானவன். பைனல் இயர் படித்துக்கொண்டிருந்தான். சீனியர்கள் அனைவரும் ராகிங் செய்யும் போது இவன் மட்டும் அவர்களை எதிர்த்து பேசி வேண்டாம் என்று சொல்வான். அதிர்ந்து பேசாதவன். நல்ல வார்த்தைகளின்றி வேறு எதுவும் பேசாதவன். எங்கள் நட்பு ஒரு வருடம் மட்டுமே தொடர்ந்தது. அதன் பிறகு அவன் எங்கு சென்றான் என்ன ஆனான் என்பது போன்ற விவரங்களை சேகரிக்க முயன்றும் முடியாமலே போனது.

இன்று இந்தியா செல்லும் நண்பனை வழி அனுப்புவதற்காக ஏர் போர்ட் சென்றிருந்தேன். போர்டிங் போடும் இடத்தில் ஒரு முகம் மிக பரிச்சயமானதாக தோன்றியது. அட..என்ன ஆச்சரியம் என் கண்களை என்னாலேயே நம்பமுடியவில்லை. சங்கர் தான் அது. நீண்ட வருடங்களுக்கு பிறகு மிக இனிமையான சந்திப்பு. அவனும் சிங்கையில் தான் வேலை பார்த்துக்கொண்டிருப்பதாக சொன்னான். கல்லூரி நாட்களை பற்றி பேசி மகிழ்ந்தோம்.

சங்கர் போன்று கால ஓட்டத்தில் பிரிந்து சென்ற இன்னும் சிலரை தேடிக்கொண்டிருக்கிறேன்... என்றாவது ஒரு நாள் சந்திப்போம் என்ற நம்பிக்கைகளுடன்!

Hit மேல Hit...!!

2008-08-26T05:29:00.004+08:00

பகிரங்க கடிதங்களை எழுதி கும்மி அடித்து சோர்ந்து போயிருக்கும் பதிவர்களை மீண்டும் பழைய பார்ம்க்கு கொண்டு வர என்ன செய்யலாம்னு ராத்திரி பகலா யோசிச்சி போட்டது தான் விடை பெறுகிறேன் பதிவு.

இதுவும் நான் ஒண்ணும் புதுசா கண்டு பிடிக்கலீங்க. ஏற்கனவே பலரும் பல சுற்றுகள் சுற்றி வந்த பாதை தான். இப்போதைக்கு யாரும் சுற்றாம இருக்கிறதால மட்டும் நான் சுற்றலைங்க. அதுக்கு வேற ஒரு காரணமும் இருக்கு.

ஒரு பதிவர்ன்னா கண்டிப்பா விடை பெறுகிறேன் பதிவு போடணும். அப்ப தான் அவங்களை முழு பதிவரா இந்த பதிவுலகம் ஏத்துக்கும். அப்படி ஒரு பதிவு உங்களால போட முடியுமான்னு நான் பதிவுகள் எழுத வந்த புதிதில் தமிழ் பிரியன் என்கிட்டே சவால் விட்டார். அப்படி நான் ஒரு பதிவு போட்டா தானும் ஒரு விடை பெறுகிறேன் பதிவு போடுறேன்னு வேற சொன்னார். நான் எப்படியும் அப்படி ஒரு பதிவு போட மாட்டேன்கிற நம்பிக்கைல சவால் விட்டுட்டார்.

இப்ப நான் விடை பெறுகிறேன் பதிவு போட்டு எல்லோர் கிட்டயும் வாங்கி கட்டிகிட்டாச்சு. தமிழ் பிரியனால இப்ப விடை பெறுகிறேன் பதிவு போட முடியுமா?

நான் இதுவரையில் சீரியஸான பதிவுகள் எதுவும் போடலையே அப்படிங்கிற வருத்தம் ரொம்ப நாளா இருந்துச்சி.இந்த பதிவு மூலமா அதுவும் தீர்ந்துடுச்சி. ஆனா என்ன ஒரு கஷ்டம்னா இப்ப எல்லோரும் என்னைய நல்லா வறுத்து எடுக்குறாங்க.

ஐயா சாமிகளா ....விட்டுடுங்க.....நான் தாங்க மாட்டேன்....என்னோட பதிவை மிக சீரியஸாக எடுத்துக்கொண்டு உண்மையான அக்கறையுடன் சாட்டிலும் அலைபேசியிலும் பின்னூட்டங்களிலும் தொடர்பு கொண்ட அனைவருக்கும் மிக்க நன்றி. அப்புறமென்ன அடுத்த கும்மியில பார்க்கலாம்.

குறிச்சொற்கள்: நக்கல்,விக்கல்,எடக்கு,மடக்கு,ஏதோ ஒண்ணு,ஒண்ணும் இல்லை,இருக்கலாம்,இல்லாமல் இருக்கலாம்,விடை,கொடுத்தல்,வாங்குதல்,தமிழ் மணம், இடுகை,சூடான இடுகை, ஆறிப்போன இடுகை, ஆயில்யன் அலறல், தத்துவ மழை தமிழ் பிரியன், சென்ஷி கதறல், சாட்டை சுழற்றும் சஞ்சய் இன்ன பிற இத்தியாதிகள்!